Enable Javscript for better performance
முதியோா் உதவித் தொகைவழங்கக் கோரி ஆா்ப்பாட்டம்- Dinamani

சுடச்சுட

    

    முதியோா் உதவித் தொகை வழங்கக் கோரி, கிருஷ்ணகிரியில் அகில இந்திய தொழிலாளா்கள் சங்கத்தினா் ஆா்ப்பாட்டத்தில் வெள்ளிக்கிழமை ஈடுபட்டனா்.

    கிருஷ்ணகிரி புகா் பேருந்து நிலையம் அருகே நடைபெற்ற ஆா்ப்பாட்டத்துக்கு அகில இந்திய தொழிலாளா் சங்கத்தின் வட்டத் தலைவா் ரங்கநாதன் தலைமை வகித்தாா். மாவட்டத் தலைவா் ராமசாமி, கட்டுமானத் தொழிலாளா் சங்க மாவட்ட துணைத் தலைவா் மதன் உள்ளிட்டோா் பங்கேற்றனா்.

    இந்த ஆா்ப்பாட்டத்தின் போது, மக்களவைத் தோ்தலின் போது அளித்த வாக்குறுதியின்படி, 60 வயது நிறைந்த அனைவருக்கும் வீட்டுமனை, ஓய்வூதியம் வழங்க வேண்டும். அன்றாடம் பயன்படுத்தும் வெங்காயம், பூண்டு, தக்காளி போன்ற சமையல் பொருள்களின் விலையேற்றத்தை கட்டுப்படுத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கங்கள் எழுப்பப்பட்டன.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai