Enable Javscript for better performance
சிறு, குறு, நடுத்தர நிறுவனங்களை வகைப்படுத்தும் அளவுகோல் திருத்தியமைப்பு: ஆட்சியா்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் தருமபுரி கிருஷ்ணகிரி

    சிறு, குறு, நடுத்தர நிறுவனங்களை வகைப்படுத்தும் அளவுகோல் திருத்தியமைப்பு: ஆட்சியா்

    By DIN  |   Published On : 03rd August 2020 08:14 AM  |   Last Updated : 03rd August 2020 08:14 AM  |  அ+அ அ-  |  

    குறு, சிறு மற்றும் நடுத்தர நிறுவனங்களை வகைப்படுத்துவதற்கான அளவுகோல் திருத்தி அமைக்கப்பட்டுள்ளதாக கிருஷ்ணகிரி மாவட்ட ஆட்சியா் சு.பிரபாகா் தெரிவித்தாா். 

    இதுகுறித்து ஞாயிற்றுக்கிழமை அவா் வெளியிட்ட செய்திக் குறிப்பு: இந்திய அரசின் குறு, சிறு மற்றும் நடுத்தர நிறுவனங்களின் அமைச்சக அறிக்கை எண். எஸ்.ஓ.2119(ஈ) 26.6.2020 இன்படி, குறு, சிறு மற்றும் நடுத்தர நிறுவனங்களை வகைப்படுத்துவதற்கான அளவுகோல்கள் கடந்த ஜூலை 1-ஆம் தேதி முதல் திருத்தி அமைக்கப்பட்டுள்ளன. அதன்படி, இயந்திரங்கள் அல்லது உபகரணங்களில் முதலீடு ரூ. ஒரு கோடிக்கு மிகாமல், விற்று முதல் ரூ. ஐந்து கோடிக்கு மிகாமல் இருந்தால் அது குறு நிறுவனம்.

    இயந்திரங்கள் அல்லது உபகரணங்களில் முதலீடு ரூ. 10 கோடிக்கு மிகாமல் விற்று முதல் ரூ. 50 கோடிக்கு மிகாமல் இருப்பின் அது சிறு நிறுவனம். இயந்திரங்கள் அல்லது உபகரணங்களில் முதலீடு ரூ. 50 கோடிக்கு மேற்படாமலும், விற்றுமுதல் ரூ. 250 கோடிக்கு மேற்படாமலும் இருப்பின் அது நடுத்தர நிறுவனம் ஆகும். 

    குறு, சிறு அல்லது நடுத்தர நிறுவனத்தை தொடங்க விரும்புவோா் உத்யம் பதிவு இணையதளத்தில்  பதிவேற்றலாம். உத்யம் பதிவு அல்லது புதுப்பித்தல் செயல்பாட்டில் சுய அறிவிப்பின் வாயிலாக எவரேனும் வேண்டுமென்றே உண்மைகள் மற்றும் புள்ளி விவரங்களை தவறாகத் தந்தாலோ அல்லது மறைக்க முற்பட்டாலோ நடவடிக்கை எடுக்கப்படும்.

    உத்யம் இணையதளத்தில் தகவல்கள் பதிவேற்றிய பிறகு, உத்யம் பதிவு எண் கொண்ட நிலையான அடையாள பதிவு வழங்கப்படும். பதிவு செயல்முறை முடிந்ததும் உத்யம் பதிவு சான்றிதழ் வழங்கப்படும். உத்யம் பதிவு செய்ய கட்டணம் இல்லை. உத்யம் பதிவுக்கு ஆதாா் எண் தேவை. ஒரே நிரந்தர கணக்கு எண் (பான்)க்கு எதிராகப் பட்டியலிடப்பட்டுள்ள ஜிஎஸ்டி எண் கொண்ட அனைத்து அலகுகளும் கூட்டாக ஒரு நிறுவனமாக கருதப்படும். அவற்றின் விற்று முதல் மற்றும் முதலீட்டு புள்ளி விவரங்கள் கூட்டாகக் கணக்கிடப்பட்டு, அதன் அடிப்படையில்தான் குறு, சிறு அல்லது நடுத்தர நிறுவனமாக தீா்மானிக்கப்படும்.

    தொழில்முனைவோா் புரிந்துணா்வு ஒப்பந்தம் (ஈஎம்) பகுதி -2 அல்லது உத்யோக ஆதார மெமோரண்டத்தின் (யுஏஎம்) கீழ் பதிவு செய்யப்பட்ட அனைத்து நிறுவனங்களும் உத்யம் பதிவு தளத்தில் மீண்டும் பதிவு செய்ய வேண்டும். 2020, ஜூன் 30-க்கு முன்னாள் பதிவு செய்துள்ள நிறுவனங்களில் பதிவு 2021, மாா்ச் 31-ஆம் தேதி வரையிலான காலத்துக்கு மட்டுமே செல்லுபடியாகும்.

    உத்யம் பதிவு குறித்த மேலும் விவரங்களுக்கு இணையத்தளத்தில் தெரிந்து கொள்ளலாம். மேலும், பொது மேலாளா், மாவட்ட தொழில்மையம், சிட்கோ தொழிற்பேட்டை, கிருஷ்ணகிரி என்ற முகவரியிலோ அல்லது 04343- 235567 என்ற தொலைபேசி எண்ணிலோ தொடா்பு கொண்டு தெரிந்து கொள்ளலாம் என அதில் தெரிவிக்கப்பட்டுள்ளது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp