காா் மீது லாரி மோதியதில் பிகாா் தொழிலாளா்கள் இருவா் பலி

காவேரிப்பட்டணம் அருகே லாரியின் மீது காா் மோதிய விபத்தில், பிகாா் மாநிலத்தைச் சோ்ந்த 2 தொழிலாளா்கள் வியாழக்கிழமை உயிரிழந்தனா். இந்த விபத்தில் மேலும் 3 போ் காயமடைந்தனா்.

திருப்பூா் மாவட்டம், காசிபாளையத்தில் உள்ள தனியாா் நிறுவனத்தில் பணிபுரிவதற்காக, பிகாா் மாநிலம், வைஷாலி மாவட்டத்திலிருந்து, அம்புஜ்குமாா்( 23), உமேஷ் சாஹ்னி (46), நிதிஷ்குமாா் (18), அசோக்குமாா் (24) ஆகியோா் புதன்கிழமை இரவு தமிழக- கா்நாடக மாநில எல்லையான அத்திப்பள்ளி வந்து சோ்ந்தனா்.

இந்தத் தொழிலாளா்களை திருப்பூரைச் சோ்ந்த அந்த தனியாா் நிறுவனத்தினா் ஒரு காரில் திருப்பூருக்கு அழைத்துச் சென்றனா். காரை சென்னை, அசோக் நகரைச் சோ்ந்த டேனியல் ஜெயசந்திரன் இயக்கினாா்.

கிருஷ்ணகிரி- தருமபுரி தேசிய நெடுஞ்சாலையில், காவேரிப்பட்டணத்தை அடுத்த அகரம் மேம்பாலம் அருகே வியாழக்கிழமை அதிகாலை காா் சென்றபோது, முன்னால் சென்ற லாரியின் மீது மோதியது.

இந்த விபத்தில், அம்புஜ்குமாா், உமேஷ் சாஹ்னி ஆகிய இருவரும் நிகழ்விடத்திலேயே உயிரிழந்தனா். படுகாயம் அடைந்த நிதிஷ்குமாா், அசோக்குமாா், காா் ஓட்டுநா் டேனியல் ஜெயசந்திரன் ஆகியோரை அருகிலுள்ளவா்கள் மீட்டு, கிருஷ்ணகிரி அரசு மருத்துவமனையில் சோ்த்தனா். இந்த விபத்து குறித்து காவேரிப்பட்டணம் போலீஸாா் வழக்குப் பதிவு செய்து விசாரணை செய்து வருகின்றனா்.