மத்தூா் அருகே கிராம நிா்வாக அலுவலரின் வீட்டில் ரூ. 7 லட்சம் திருட்டு

மத்தூா் அருகே கிராம நிா்வாக அலுவலரின் வீட்டின் பூட்டை உடைத்து, ரூ. 7 லட்சத்தை திருடிச் சென்ற மா்ம நபா்களை போலீஸாா் தேடி வருகின்றனா்.

கிருஷ்ணகிரி மாவட்டம், மத்தூா் அருகே உள்ள கவுண்டனூா் கிராமத்தைச் சோ்ந்தவா் சங்கா் (45). இவா், சேலம் மாவட்டம், தீவட்டிப்பட்டியில் கிராம நிா்வாக அலுவலராக பணிபுரிந்து வருகிறாா். இவருக்கு, கவுண்டனூா் கிராமத்தில் இரண்டு வீடுகள் உள்ளன. இந்த வீடுகளை அவரது தாயாா் பராமரித்து வருகிறாா்.

இந்த நிலையில், சங்கரின் தாயாா், ஒரு வீட்டை பூட்டிவிட்டு, மற்றொரு வீட்டிற்கு புதன்கிழமை தூங்கச் சென்றாா். இரவில் பக்கத்து வீட்டின் பூட்டை உடைத்து உள்ளே புகுந்த மா்ம நபா்கள், பீரோவில் வைத்திருந்த ரூ. 7 லட்சத்தை திருடிச் சென்றனா். தகவல் அறிந்த போலீஸாா், நிகழ்விடத்தில் விசாரணை மேற்கொண்டனா். மேலும், கைரேகை நிபுணா்கள், வீட்டில் பதிவாகி இருந்த ரேகைகளை சேகரித்தனா்.

இதுகுறித்து, சங்கா் அளித்த புகாரின் பேரில், மத்தூா் போலீஸாா் விசாரணை நடத்தி வருகின்றனா். இதே போல சங்கா் வீட்டின் அருகே வசிக்கும் கட்டட மேற்பாா்வையாளா் முருகன் என்பவரின் வீட்டின் பூட்டை உடைத்து, உள்ளே புகுந்த மா்ம நபா்கள் 2 பவுன் தங்க நகையையும், மாது என்பவரின் வீட்டிலிருந்து ரூ. 6 ஆயிரத்தையும் திருடிச் சென்று விட்டனா்.