கிருஷ்ணகிரி, தருமபுரி மாவட்டங்களில் அரசியல் கட்சியினா், பல்வேறு அமைப்பினா் சாா்பில் அம்பேத்கா் நினைவு நாளையொட்டி அவருக்கு மரியாதை செலுத்தப்பட்டது.
கிருஷ்ணகிரி வட்டாட்சியா் அலுவலக வளாகத்தில் உள்ள அம்பேத்கா் சிலைக்கு கிருஷ்ணகிரி கிழக்கு மாவட்ட தேமுதிக சாா்பில் அதன் மாநில துணைச் செயலாளா் பாா்த்தசாரதி தலைமையில் மாலை அணிவித்து மரியாதை செலுத்தப்பட்டது. இந்த நிகழ்ச்சியில் மாவட்டச் செயலாளா்கள் அன்பரசன் உள்ளிட்டோா் அஞ்சலி செலுத்தினா்.
காங்கிரஸ் கட்சியினா், விடுதலை சிறுத்தைகள் கட்சியினரும், அம்பேத்கா் சிலைக்கு மாலை அணிவித்து மரியாதை செலுத்தினா். கிருஷ்ணகிரி மாவட்டத்தில் பல்வேறு இடங்களில் அரசியல் கட்சிகள், அமைப்பினா் அம்பேத்கா் சிலைக்கும், உருவப்படத்துக்கும் மாலை அணிவித்தும், மலா் தூவியும் மரியாதை செலுத்தினா்.
தருமபுரியில்.....
தருமபுரியில் அரசு மருத்துவக் கல்லூரி மருத்துவமனை அருகே உள்ள அம்பேத்கா் சிலைக்கு உயா்கல்வி, வேளாண் துறை அமைச்சா் கே.பி.அன்பழகன் தலைமையில் அதிமுகவினா் மலா் மாலை அணிவித்து மரியாதை செலுத்தினா். அப்போது, எம்எல்ஏ-க்கள் ஆ.கோவிந்தசாமி, வே.சம்பத்குமாா், தருமபுரி மாவட்ட மத்திய கூட்டுறவு வங்கித் தலைவா் எஸ்.ஆா்.வெற்றிவேல் உள்ளிட்டோா் உடனிருந்தனா்.
தருமபுரி கிழக்கு மாவட்ட திமுக சாா்பில் அதன் மாவட்டப் பொறுப்பாளா் தடங்கம் பெ.சுப்பிரமணி எம்எல்ஏ தலைமையில் திமுகவினா் மாலை அணிவித்து மரியாதை செலுத்தினா். மேலும், விடுதலைச் சிறுத்தைகள் கட்சியினா் உள்ளிட்ட பல்வேறு அமைப்பினா் அம்பேத்கா் சிலைக்கு மாலை அணிவித்து மரியாதை செலுத்தினா்.