Enable Javscript for better performance
தமிழக நிதிநிலை அறிக்கைக்கு ஹோஸ்டியா சங்கம் வரவேற்பு- Dinamani

சுடச்சுட

    

    தமிழக நிதிநிலை அறிக்கைக்கு ஹோஸ்டியா சங்கம் வரவேற்பு

    By DIN  |   Published on : 15th February 2020 08:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    14hsp3_ch0169_14chn_8_637173100277078676

    ஹோஸ்டியா சங்கத் தலைவா் வேல்முருகன்.

    தமிழக நிதிநிலை அறிக்கையில் பல நல்ல அம்சங்கள் உள்ளதால் அதனை ஒசூா் சிறு மற்றும் குறுந்தொழில் சங்கம் (ஹோஸ்டியா) வரவேற்பதாக அதன் தலைவா் வேல்முருகன் தெரிவித்தாா்.

    அவா் வெளியிட்டுள்ள செய்தி குறிப்பு:

    சிறு, குறுந் தொழிலுக்கு கடந்த ஆண்டு ரூ. 400 கோடி நிதி ஒதுக்கீடு செய்யப்பட்டுள்ள நிலையில் இந்த ஆண்டு ரூ. 607 கோடியாக அதிகரித்து ஒதுக்கீடு செய்யப்பட்டுள்ளது.

    தொழில் நிறுவனங்கள் வாடகை இடத்துக்கு ஒப்பந்தம் செய்ய முத்திரைத்தாள் பத்திரப் பதிவு கட்டணம் 1 சதவிகிதத்தில் இருந்து 0.25 சதவிகிதமாக குறைத்தது வரவேற்புக்கு உரியது.

    மேலும் புதிய தொழில் முனைவோா்கள் வங்கியில் கடன் வாங்கி புதிய தொழில் தொடங்கினாா் மானியத்துடன் கூடிய கடனை ரூ. 30 லட்சத்தில் இருந்து ரூ. 50 லட்சமாக உயா்த்தியதற்கும், தொழில் முனைவோா் வாங்கும் கடனுக்கான வட்டி மானியம் 3 சதவிகிதத்தில் இருந்து 5 சதவிகிதமாக உயா்த்தியத்திற்கும் தமிழக அரசுக்கு ஹோஸ்டியா சங்கம் நன்றியும், பாராட்டும் தெரிவித்துள்ளது.

    தற்போது தொழில் முடங்கியுள்ள நிலையில் தொழிலை மீண்டும் எழுச்சியுடன் உத்வேகம் அளிக்கும் வகையில் தமிழக ஜி.எஸ்.டி. வரி விகிதத்தில் மானியம் வழங்கி இருந்தால் தொழில் முனைவோா்களுக்கு மிகவும் பயனுள்ளதாக இருந்து இருக்கும் என்றாா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai