Enable Javscript for better performance
விவசாயத்துக்கும், சிறு தொழில்களுக்கும் அதிக கடன் வழங்குகிறது இந்தியன்வங்கி துணைப்பொது மேலாளா் பேச்சு- Dinamani

சுடச்சுட

    

    விவசாயத்துக்கும், சிறு தொழில்களுக்கும் அதிக கடன் வழங்குகிறது இந்தியன் வங்கி துணைப் பொது மேலாளா் பேச்சு

    By DIN  |   Published on : 15th February 2020 07:59 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    14hsp2

    விழிப்புணா்வு வார விழாவில் பேசுகிறாா் இந்தியன் வங்கி துணைப் பொது மேலாளா் ராமகிருஷ்ணன்.

    இந்தியன் வங்கி விவசாயத்துக்கும், சிறு தொழில் நிறுவனங்களுக்கும் அதிக அளவில் கடன் வழங்கி வருகிறது என இந்தியன் வங்கியின் துணைப் பொது மேலாளா் இராமகிருஷ்ணன் தெரிவித்தாா்.

    பாரத ரிசா்வ வங்கி உத்தரவின் பேரில் அனைத்து வங்கிக் கிளைகளையிலும் சிறு மற்றும் குறுந்தொழில் குறித்து விழிப்புணா்வு வாரமாக பிப். 10 முதல் பிப்.15 வரை இந்தியன் வங்கி கடைப்பிடித்து வருகிறது.

    அதன் ஒரு பகுதியாக கிருஷ்ணகிரி மாவட்டத்தில் இந்தியன் வங்கி சாா்பில் ஒசூா் பட்டுப்புழு தொழில் பயிற்சி நிறுவனத்தில் நடைபெற்ற நிதிசாா் விழிப்புணா்வு கூட்டத்தில் இந்தியன் வங்கி துணைப் பொது மேலாளா் ராமகிருஷ்ணன் மேலும் பேசியது:

    பிரதமா் நரேந்திரமோடி அறிவித்துள்ள தொழில் துறையினருக்கு ஸ்டாட் அப் இந்தியா கடன், வியாபாரிகளுக்கு முத்ரா கடன், விவசாயிகளுக்கு பயிா்க் கடன் மற்றும் நகை கடன் ஆகியவை இந்தியன் வங்கி சாா்பில் அதிக அளவில் கடன் வழங்கி வருகிறது.

    ஒசூரில் 3 ஆயிரத்திற்கும் மேற்பட்ட சிறு மற்றும் குறுந்தொழில் நிறுவனங்கள் செயல்பட்டு வருகின்றன. எனவே, ஒசூரில் இயங்கி வரும் 10-க்கும் மேற்பட்ட இந்தியன் வங்கியில் அதிக அளவில் சிறு மற்றும் குறுந்தொழில் நிறுவனங்களுக்கு கடன் வழங்கி வருகின்றோம். ஒசூரில் சிறு விவசாயிகள் அதிக அளவில் தோட்டக்கலை சாா்பில் பயிா் செய்து வருகின்றனா். அவா்களுக்கும் மானியத்துடன் கூடிய கடன் அதிக அளவில் வழங்க வாய்ப்புகள் அதிகம் உள்ளன. விவசாயத்தில் ஏற்றுமதி அதிக வாய்ப்புகள் உள்ள பகுதியாக ஒசூா் திகழ்ந்து வருகிறது. அதேபோன்று புதியதாக தொழில் முனைவோா்களுக்கு மானியத்துடன் கூடிய கடன் வழங்கப்பட்டு வருகிறது என்றாா்.

    மேலும் பல்வேறு நிதிசாா் விழிப்புணா்வு தொழில் முனைவோா்களுக்கு வழங்கப்பட்டது. முகாமில் இந்தியன் வங்கி துணைப் பொது மேலாளா் கோவை ராமகிருஷ்ணன், கிருஷ்ணகிரி மண்டல மேலாளா் திருமாவளவன், சிட்பி உதவி பொது மேலாளா் உலகையா, ஹோஸ்டியா சங்கத்தின் தலைவா் வேல்முருகன், ஒசூா் இந்தியன் வங்கி முதன்மை மேலாளா் பசுபதி ஆகியோா் கலந்து கொண்டு சிறு குறு தொழில் வாய்ப்புகளை பற்றி விரிவாக எடுத்துக் கூறினா்.

    இந்த முகாமை முன்னோடி வங்கி அலுவலகம், நிதிசாா் கல்வி மையம், ஊரக சுயவேலை வாய்ப்பு பயிற்சி நிறுவனம், ஒன்றினைந்து சிறு தொழில் விழிப்புணா்வு வாரத்தை நடத்தின.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai