கல்லூரி மாணவியருக்கு கல்வெட்டு படியெடுத்தல் பயிற்சி

கிருஷ்ணகிரி அரசு அருங்காட்சியக வளாகத்தில், தருமபுரி மாவட்டத்தைச் சோ்ந்த கல்லூரி மாணவியருக்கு குறுகிய கால கல்வெட்டு படியெடுத்தல் பயிற்சி நடைபெற்று வருகிறது.

தருமபுரியை அடுத்த மாட்லாம்பட்டியில் உள்ள சக்தி கைலாஷ் பெண்கள் கல்லூரியில் தமிழ், வரலாறு ஆகிய துறைகளைச் சோ்ந்த 60 மாணவியருக்கு குறுகிய கால கல்வெட்டு பயிற்சி முகாம், கிருஷ்ணகிரி அரசு அருங்காட்சியகத்தில் வியாழக்கிழமை தொடங்கியது. மூன்று நாள் நடைபெறும் இந்தப் பயிற்சியை அரசு அருங்காட்சியக காப்பாட்சியா் செ.கோவிந்தராஜ் அளித்து வருகிறாா்.

வரலாற்றுக்கு முக்கியமான ஆதாரமாக கருதப்படும் கல்வெட்டுகளை எவ்வாறு படியெடுத்து படிப்பது. கல்வெட்டுகளை பாதுகாக்க வேண்டியதன் அவசியம் குறித்து எடுத்துரைத்தாா். மேலும், தமிழி என்று அழைக்கப்படும் தொல் தமிழ் வரிவடிவ எழுத்துகளை எழுத, படிக்க பயிற்சி அளிக்கப்பட்டது. அத்தமிழ் எழுத்திலிருந்து ஒவ்வொரு நூற்றாண்டாக எவ்வாறு எழுத்துகள் மாற்றமடைந்து, தற்போதைய தமிழ் எழுத்துகளாக ஆனது என்பதை உரிய உதாரணங்களுடன் விளக்கினாா். அருங்காட்சியகத்தில் உள்ள கல்வெட்டை ஒற்றி படியெடுத்து, அந்தக் கல்வெட்டில் உள்ள எழுத்துகளை படித்து, அவற்றின் பொருளை அறிந்து கொள்வது தொடா்பாக பயிற்சியும் அளிக்கப்பட்டது.

இறுதி நாளான சனிக்கிழமை காவேரிப்பட்டணம் அருகே உள்ள பெண்ணேஸ்வரமடம் சிவன் கோயிலுக்கு களப் பயணம் மேற்கொண்டு, அங்குள்ள கல்வெட்டுகள், கட்டட மற்றும் சிற்பக் கலையை பற்றி எடுத்துரைக்கப்பட உள்ளது.

இந்த நிகழ்ச்சியை, கல்லூரி தமிழ் உதவிப் பேராசிரியா் லதா, வரலாற்றுத் துறை உதவி பேராசிரியா் சம்பூா்ணம், அருங்காட்சியக பணியாளா்கள் செல்வகுமாா், பெருமாள் ஆகியோா் ஒருங்கிணைத்தனா்.