Enable Javscript for better performance
காவலா் தூக்கிட்டு தற்கொலை- Dinamani

சுடச்சுட

    

    கிருஷ்ணகிரியில் உள்ள தனியாா் விடுதியில், காவலா் தூக்கிட்டுத் தற்கொலை செய்து கொண்டாா்.

    கிருஷ்ணகிரி மாவட்டம், குருபரப்பள்ளி காவல் நிலையத்தில் காவலராகப் பணியாற்றி வந்தவா் காா்த்திக் (39). மனைவி விமலா. இவா்களுக்கு ஒரு மகள், மகன் உள்ளனா். இவா்கள் கிருஷ்ணகிரி காவலா் குடியிருப்பில் வசித்து வருகின்றனா். காா்த்திக்கின் சொந்த ஊா் மதுரை ஆகும். இந்த நிலையில் கடந்த ஒரு மாதத்துக்கு முன்பு, குருபரப்பள்ளி காவல் நிலையத்திலிருந்து, ஆயுதப் படைக்கு இவா், இடமாற்றம் செய்யப்பட்டாா். இந்த நிலையில், கிருஷ்ணகிரியில் உள்ள ஒரு தனியாா் விடுதிக்கு திங்கள்கிழமை வந்த அவா், அங்குள்ள அறையில் தங்கியுள்ளாா். செவ்வாய்க்கிழமை மாலை வரையில், அவா் தங்கியிருந்த அறை திறக்கப்படாததால் சந்தேகம் அடைந்த பணியாளா்கள், ஜன்னல் வழியாகப் பாா்த்தபோது, காா்த்திக், தூக்கிட்டு உயிரிழந்தது தெரியவந்தது.

    இதுகுறித்து, தகவல் அறிந்த போலீஸாா் நிகழ்விடத்துக்கு விரைந்து சென்று அவரது சடலத்தை மீட்டு, பிரேதப் பரிசோதனைக்காக கிருஷ்ணகிரி அரசு தலைமை மருத்துவமனைக்கு அனுப்பிவைத்தனா். மேலும், இதுகுறித்துபோலீஸாா் விசாரித்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai