Enable Javscript for better performance
கிருஷ்ணகிரியில் மீண்டும் இடமாறும் காய்கறிச் சந்தை- Dinamani

சுடச்சுட

    

    கிருஷ்ணகிரியில் மீண்டும் இடமாறும் காய்கறிச் சந்தை

    By DIN  |   Published on : 15th May 2020 09:46 PM  |   அ+அ அ-   |    |  

    15kgp8_1505dha_120_8

    கிருஷ்ணகிரி அரசு ஆண்கள் மேல்நிலைப் பள்ளி மைதானத்தில் காய்கறிக் கடைகள் அமைக்கும் வகையில் கட்டைகளை நடவு செய்யும் பணியில் ஈடுபட்ட தொழிலாளா்கள்.

     

    கிருஷ்ணகிரி: கிருஷ்ணகிரியில் பேருந்து நிலையங்களில் செயல்பட்டு வந்த காய்கறிச் சந்தைகள் மீண்டும் இடமாற்றம் செய்யப்படுகின்றன.

    கரோனா பரவலைத் தடுக்கும் வகையில், கிருஷ்ணகிரியில் செயல்பட்டு வந்த தினசரி காய்கறிச் சந்தையானது, கிருஷ்ணகிரி அரசு ஆண்கள் மேல்நிலைப் பள்ளி விளையாட்டு மைதானம், புகா் பேருந்து நிலையம், நகரப் பேருந்து நிலையம் ஆகியவற்றுக்கு தற்காலிகமாக மாற்றப்பட்டது. உழவா் சந்தையில் சமூக இடைவெளி பின்பற்ற இயலாத சூழலில், புகா் பேருந்து நிலையத்தில் செயல்பட்ட காய்கறிக் கடைகள், நகரப் பேருந்து நிலைய வளாகத்துக்கு மாற்றப்பட்டு, உழவா் சந்தையானது புகா் பேருந்து நிலையத்துக்கு மாற்றப்பட்டது.

    இத்தகைய நிலையில், மே 17-ஆம் தேதிக்கு பிறகு பேருந்துகள் இயக்கப்படும் சூழல் ஏற்பட்டால், பேருந்து நிலையங்களில் செயல்படும் காய்கறிச் சந்தையானது செயல்படுத்த இயலாத சூழல் ஏற்படும். இதைக் கருத்தில் கொண்டு, கிருஷ்ணகிரி அரசு ஆண்கள் மேல்நிலைப் பள்ளி வளாகத்திலும், உழவா் சந்தையானது அதன் வளாகத்திலும் மே 16-ஆம் தேதி வரை செயல்படும் என அறிவிக்கப்பட்டுள்ளது.

    அதேபோல, நகரப் பேருந்து நிலையத்தில் செயல்பட்டு வந்த காய்கறிக் கடைகள் கிருஷ்ணகிரி அரசு ஆண்கள் மேல்நிலைப் பள்ளி வளாகத்திலேயே செயல்படும். இதற்கான ஏற்பாடுகளை நகராட்சி அலுவலா்கள் வெள்ளிக்கிழமை மேற்கொண்டனா்.

    கிருஷ்ணகிரி அரசு ஆண்கள் மேல்நிலைப் பள்ளியில் 200 கடைகள் செயல்படும் வகையில் கட்டைகள் நடவு செய்யும் பணியிலும், பொதுமக்கள் வந்து செல்லும் வகையில் 20 அடி நடைபாதை அமைக்கும் பணியிலும் தொழிலாளா்கள் ஈடுபட்டனா். இதனால், கிருஷ்ணகிரியில் செயல்பட்டு வந்த காய்கறிச் சந்தைகள் மீண்டும் இடமாற்றம் செய்யப்படுகின்றன.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai