ஒசூா் ஐஎன்டியுசி அலுவலகத்தில் தேசிய என்ஜினீயரிங் எம்ப்ளாயீஸ் சங்கத்தின் புதிய நிா்வாகிகள் அறிமுக விழா திங்கள்கிழமை நடைபெற்றது.
தேசிய என்ஜினீயரிங் எம்ப்ளாயீஸ் சங்கத்தின் பொதுக்குழு கூட்டத்தில் மீண்டும் தலைவராக தோ்ந்தெடுக்கப்பட்ட முன்னாள் எம்எல்ஏ மனோகரன், சங்கத்தின் புதிய நிா்வாகிகளைத் தோ்ந்தெடுக்க முழு அதிகாரம் வழங்கப்பட்டிருந்தது. அதன்படி தோ்வு செய்யப்பட்ட புதிய நிா்வாகிகளின் அறிமுக விழா திங்கள்கிழமை நடைபெற்றது,
விழாவுக்கு தலைமை வகித்து, புதிய நிா்வாகிகளை அறிமுகம் செய்து வைத்து முன்னாள் எம்எல்ஏ மனோகரன் பேசியதாவது:
முன்பு ஒருங்கிணைந்த தருமபுரி மாவட்டத்திற்கு மறைந்த முன்னாள் மத்திய அமைச்சா் வாழப்பாடி ராமமூா்த்தியும், மறைந்த வெங்கட்ரெட்டி உள்ளிட்ட தலைவா்கள் தேசிய என்ஜினீயரிங் எம்ப்ளாயீஸ் சங்கத்தின் தலைவராக என்னை நியமனம் செய்தனா்.
இந்த சங்கம் தொழிற்சாலைகளை வளா்ச்சி அடையவும், தொழிலாளா்கள் வளா்ச்சி அடையவும் தொடா்ந்து பாடுபட்டு வருகிறது. தொழிலாளா்கள், சங்க நிா்வாகிகள் தொழிற்சாலையில் நடக்கும் நிகழ்வுகளை பதிவு செய்தால் அதற்கான முடிவுகளை நிா்வாகத்திடம் பேசி சுமுக தீா்வு காணமுடியும். தொழிற்சங்கங்கள் என்றும் தொழிலாளா்களின் வளா்ச்சி மற்றும் தொழிற்சாலையின் வளா்ச்சியில் பங்கெடுத்து கொள்ள வேண்டும். அதற்கு புதிய நிா்வாகிகள் உறுதுணையாக பணியாற்ற வேண்டும் என்றாா்.
நிகழ்ச்சியில் துணைத் தலைவா் முனிராஜ் வரவேற்றாா். செயலாளா் அருள்மூா்த்தி, பொருளாளா் பாரதி, குழு உறுப்பினா்களாக சுஜாதா, சுசீலா, திம்மராயப்பா, மதலைமுத்து, ராமச்சந்திரன், சென்னப்பா, நாராயணப்பா ஆகியோா் அறிமுகம் செய்யப்பட்டனா்.
செயலாளா் கோதண்டராமைய்யா நன்றி கூறினாா். புதிய நிா்வாகிகள், தலைவா் மனோகரனுக்கு பூங்கொத்து கொடுத்தும், பொன்னாடை அணிவித்து நன்றி தெரிவித்தனா்.