மாற்றுத்திறனாளிகள் பாதுகாப்பு சங்கம் சாா்பில் அரசின் சலுகைகளை வழங்க மறுக்கும் அதிகாரிகள், உள்ளாட்சி பிரதிநிதிகளைக் கண்டித்து 40-க்கும் மேற்பட்ட மாற்றுத்திறனாளிகள் ஏரியூா் வட்டார வளா்ச்சி அலுவலகத்தில் செவ்வாய்க்கிழமை காத்திருப்பு போராட்டத்தில் ஈடுபட்டனா்.
பென்னாகரம் அருகே ஏரியூா் வட்டார வளா்ச்சி அலுவலகம் முன்பு தமிழ்நாடு மாற்றுத்திறனாளிகள் விவசாய சங்கம் சாா்பில் அரசின் சலுகைகளை மாற்றுத்திறனாளிகளுக்கு வழங்க மறுக்கும் அதிகாரிகள் மற்றும் உள்ளாட்சி பிரதிநிதிகளை கண்டித்து காத்திருப்பு போராட்டம் நடைபெற்றது.
இப்போராட்டத்துக்கு ஏரியூா் ஒன்றியச் செயலாளா் குமாா் தலைமை வகித்தாா்.
போராட்டத்தின்போது, தமிழக அரசு வழங்கி வரும் ஆடு, மாடு, கோழி உள்ளிட்டவற்றை மாற்றுத்திறனாளிகளுக்கும் வழங்க வேண்டும் என்றும், அதனை வழங்க மறுக்கும் அரசு அதிகாரிகள், உள்ளாட்சி பிரதிநிதிகளைக் கண்டித்து கோஷங்கள் எழுப்பி ஏரியூா் வட்டார வளா்ச்சி அலுவலகம் முன்பு காத்திருப்பு போராட்டத்தில் ஈடுபட்டனா்.
இதுகுறித்து தகவல் அறிந்து அங்கு வந்த வட்டார வளா்ச்சி அலுவலா் ஆறுமுகம், ஏரியூா் ஒன்றியக் குழு தலைவா் பழனிசாமி, ஏரியூா் கால்நடை மருத்துவா் உள்ளிட்டோா் மாற்றுத்திறனாளிகளிடம் பேச்சுவாா்த்தை நடத்தினா்.
மாற்றுத்திறனாளிகளுக்கு அரசின் சலுகைகள் கிடைக்க நடவடிக்கை எடுப்பதாக உறுதியளித்ததை தொடா்ந்து காத்திருப்பு போராட்டத்தை மாற்றுத்திறனாளிகள் கைவிட்டனா்.