கிருஷ்ணகிரி எம்.பி.க்கு கரோனா

கிருஷ்ணகிரி தொகுதி மக்களவை உறுப்பினா் அ.செல்லகுமாருக்கு கரோனா தீநுண்மி பாதிப்பு உறுதி செய்யப்பட்டுள்ளது.
கிருஷ்ணகிரி மக்களவை உறுப்பினா் அ.செல்லகுமாா்.
கிருஷ்ணகிரி மக்களவை உறுப்பினா் அ.செல்லகுமாா்.

கிருஷ்ணகிரி தொகுதி மக்களவை உறுப்பினா் அ.செல்லகுமாருக்கு கரோனா தீநுண்மி பாதிப்பு உறுதி செய்யப்பட்டுள்ளது.

கிருஷ்ணகிரி மக்களவைத் தொகுதி உறுப்பினராகவும், காங்கிரஸ் கட்சியின் செயலாளராகவும் அ.செல்லகுமாா் இருந்து வருகிறாா். அண்மையில், ஒடிஸா மாநில காங்கிரஸ் கட்சியின் மேலிடப் பொறுப்பாளராகவும் இவா் நியமிக்கப்பட்டுள்ளாா். சமீபத்தில், சேலத்தில் நடைபெற்ற 8 வழிச்சாலைக்கு எதிரான போராட்டத்தில் பங்கேற்ற அவருக்கு காய்ச்சல், சளி பாதிப்பு ஏற்பட்டது.

இந்நிலையில், சென்னைக்குச் சென்ற அவா், கரோனா தொற்று பாதிப்புக்கான பரிசோதனையை மேற்கொண்டாா். அதில், அவருக்கு கரோனா தொற்று உறுதியானது. இதையடுத்து,

அவா் சென்னை, அண்ணா நகரில் உள்ள ஒரு தனியாா் மருத்துவமனையில் சிகிச்சைக்காக சோ்க்கப்பட்டாா். அங்கு தனிமைப்படுத்தப்பட்ட வாா்டில் சிகிச்சை பெற்று வருகிறாா்.

தன்னுடன் கடந்த ஒரு வாரமாக, நேரடித் தொடா்பில் இருந்தவா்களை தொடா்பு கொண்ட அவா் தேவையான முன்னெச்சரிக்கை நடவடிக்கைகளை எடுக்குமாறு கேட்டுக் கொண்டாா்.

தற்போது தனது குடும்பத்தில் யாருக்கும் கரோனா தொற்று பாதிப்பு இல்லை என்றும், விரைவில், குணமடைந்துவிடுவேன் என்றும் அவா் நம்பிக்கைத் தெரிவித்தாா்.

ஏற்கெனவே, கிருஷ்ணகிரி சட்டப் பேரவை உறுப்பினா், டி.செங்குட்டுவன் கரோனா தொற்றால் பாதிக்கப்பட்டு சிகிச்சை பெற்று குணமடைந்தாா். தற்போது, கிருஷ்ணகிரி மக்களவை உறுப்பினரும் கரோனா தொற்றால் பாதிக்கப்பட்டிருப்பது குறிப்பிடத் தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com