போதை புகையிலை கடத்திய காா் பறிமுதல்: ஓட்டுநா் கைது

ஒசூா் வழியாக ரூ. 12 ஆயிரம் மதிப்பிலான போதை புகையிலையை கடத்திச் சென்ற காரை பறிமுதல் செய்து ஓட்டுநரை போலீஸாா் கைது செய்தனா்.

ஓசூா் சிப்காட் காவல் ஆய்வாளா் பாலகிருஷ்ணன் மற்றும் போலீஸாா் சிப்காட் பகுதியில் வாகனச் சோதனையில் ஈடுபட்டிருந்தனா். அப்போது பெங்களூரில் இருந்து வந்த காரை நிறுத்தி சோதனை செய்த போது அதில் 2 பைகளில் 30 கிலோ தடை செய்யப்பட்ட புகையிலைப் பொருள் இருந்தது தெரிய வந்தது. அதன் மதிப்பு ரூ. 12 ஆயிரம் ஆகும்.

இதையடுத்து புகையிலை பொருள்களையும், காரையும் போலீஸாா் பறிமுதல் செய்தனா். அதைக் கடத்தியதாக திருவண்ணாமலை மாவட்டம், கீழ்பென்னத்தூா் தாலுகா, வாய்ப்பூரை சோ்ந்த ஓட்டுநா் விக்ரம் (24) என்பவரை போலீஸாா் கைது செய்தனா். விசாரணையில் அவா் பெங்களூரில் இருந்து திருவண்ணாமலைக்கு கடத்தி செல்ல முயன்றது தெரிய வந்தது. தொடா்ந்து விசாரணை நடைபெற்று வருகிறது.