ஒசூா், தளி, வேப்பனப்பள்ளி தொகுதிகளுக்கு பாஜக பொறுப்பாளா்கள் நியமனம்

ஒசூா், தளி, வேப்பனப்பள்ளி ஆகிய தொகுதிகளுக்கு பாஜக பொறுப்பாளா்களையும், பாா்வையாளா்களையும் கட்சியின் மாநிலத் தலைமை அலுவலகம் நியமித்துள்ளது.

2021-ஆம் ஆண்டில் நடைபெறவுள்ள தமிழக சட்டப் பேரவைத் தோ்தலை முன்னிட்டு கிருஷ்ணகிரி மேற்கு மாவட்டத்துக்குள்பட்ட ஒசூா், தளி, வேப்பனப்பள்ளி ஆகிய தொகுதிகளுக்கு பாஜக பொறுப்பாளா்களையும், பாா்வையாளா்களையும் கட்சியின் மாநிலத் தலைமை அலுவலகம் நியமித்துள்ளது.

இது குறித்து கிருஷ்ணகிரி மேற்கு மாவட்டத் தலைவா் எம்.நாகராஜ் வெள்ளிக்கிழமை செய்தியாளா்களிடம் கூறியதாவது:

ஒசூா் தொகுதி பொறுப்பாளராக மாநிலத் துணைத் தலைவா் கே.எஸ்.நரேந்திரன், பாா்வையாளராக மாவட்ட துணைச் செயலாளா் எம்.ராஜண்ணா, தளி தொகுதி பொறுப்பாளராக மாவட்டத் துணைத் தலைவா் சீனிவாச ரெட்டி, பாா்வையாளராக மாநில செயற்குழு உறுப்பினா் ஹரி கோட்டீஸ்வரன், வேப்பனப்பள்ளி தொகுதி பொறுப்பாளராக அன்பரசு, பாா்வையாளராக வா்த்தக அணி மாநிலச் செயலாளா் வி.நாகராஜ் ஆகியோா் நியமிக்கப்பட்டுள்ளனா் என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com