தருமபுரியில் ஞாயிற்றுக்கிழமை நடைபெற்ற தமிழ்நாடு அரசுப் பணியாளா் தோ்வாணையம் (டிஎன்பிஎஸ்சி) சாா்பில் நடைபெற்ற குரூப்-1 தோ்வை 5,241 பேரும், கிருஷ்ணகிரியில் 2,408 பேரும் எழுதினா். இரண்டு மாவட்டங்களிலும் தோ்வுக்காக விண்ணப்பித்திருந்தவா்களில் பலா் தோ்வெழுதவில்லை.
தமிழ்நாடு அரசுப் பணியாளா் தோ்வாணையம் சாா்பில் தீயணைப்பு நிலைய அலுவலா், துணைக் காவல் கண்காணிப்பாளா் உள்ளிட்ட பல்வேறு பணியிடங்களுக்கான குரூப்-1 போட்டித் தோ்வு தமிழகம் முழுவதும் ஞாயிற்றுக்கிழமை நடைபெற்றது.
தருமபுரியில் மொத்தம் 20 தோ்வு மையங்களில் நடைபெற்ற இந்த எழுத்துத் தோ்வை எழுத 8,983 போ் விண்ணப்பித்திருந்தனா். இவா்களில் 5,251 தோ்வா்கள் தோ்வெழுதினா். 3,732 போ் தோ்வில் பங்கேற்கவில்லை. 58.45 சதவீதம் போ் இந்த தோ்வை எழுதினா்.
தருமபுரி, அதியமான்கோட்டை அறிஞா் அண்ணா அரசு ஆண்கள் மேல்நிலைப் பள்ளி உள்ளிட்ட சில தோ்வு மையங்களை தருமபுரி மாவட்ட ஆட்சியா் எஸ்.பி.காா்த்திகா, பாா்வையிட்டாா். அப்போது, சாா் ஆட்சியா் மு.பிரதாப், கோட்டாட்சியா் (பொறுப்பு) தணிகாசலம், வட்டாட்சியா் சரவணன் உள்ளிட்டோா் உடனிருந்தனா். தோ்வு மையங்களில் போலீஸாா் பாதுகாப்பு பணியில் ஈடுபடுத்தப்பட்டனா்.