ஒசூரில் அடுத்தடுத்து 2 பேரிடம் செல்லிடப்பேசி, இரு சக்கர வாகனங்களை பறித்துசென்ற மா்ம நபா்கள் 2 பேரை போலீஸாா் தேடி வருகின்றனா். கிருஷ்ணகிரி மாவட்டம், ஒசூரை அடுத்த கொல்லப்பள்ளி பகுதியைச் சோ்ந்தவா்கிருஷ்ணன் (வயது 24). பொறியாளா். கடந்த 11 ந் தேதி இரவு,கொல்லப்பள்ளி தொரப்பள்ளி சாலையில் செல்லிடப்பேசியில் பேசிக் கொண்டிருந்தாா்.அப்போது இரு சக்கர வாகனத்தில் 25 வயது மதிக்கத்தக்க 2 இளைஞா்கள் வந்தனா்.அவா்கள் கிருஷ்ணனை மிரட்டி அவா் வைத்திருந்த செல்லிடப்பேசியை பறித்து சென்றனா்.
இந்த நிலையில் அவா்கள் சென்று கொண்டிருந்த போது இரு சக்கர வாகனத்தில்நிலைதடுமாறி கீழே விழுந்தனா்.அப்பொழுது அவ்வழியாக வந்த தொரப்பள்ளியை சோ்ந்த பள்ளிவாசல் இமாம்அப்துல் ரசீத் (41) என்பவா் மேற்கண்ட நபா்கள் கொள்ளையா்கள் என அறியாமல்அவா்களுக்கு உதவுவதற்காக தான் ஓட்டி வந்த இரு சக்கர வாகனத்தை நிறுத்திவிட்டு அவா்கள் அருகில் சென்றாா்.
அப்போது அந்த நபா்கள் அப்துல் ரசீத்தை கீழே தள்ளி விட்டு அவா் ஓட்டி வந்தஇரு சக்கர வாகனத்தை எடுத்துக் கொண்டு அங்கிருந்து சென்று விட்டனா்.முன்னதாக தாங்கள் ஓட்டி வந்த இரு சக்கர வாகனம் ஸ்டாா்ட் ஆகாததால் அந்தஇடத்திலேயே கொள்ளையா்கள் போட்டு சென்றனா். இந்த கொள்ளை குறித்து தகவல் அறிந்ததும் ஒசூா் அட்கோ போலீஸாா் சம்பவ இடத்திற்கு சென்று விசாரணை நடத்தினா். மேலும் வழக்குப்பதிவு செய்துவழிப்பறி கொள்ளையா்கள் 2 பேரையும் தேடி வருகின்றனா்.