வங்கி ஊழியரிடம் நடத்திய பேச்சுவாா்த்தையின்போது சாா் பதிவாளா் லஞ்சம் கேட்டதாக ஆடியோ வெளியான விவகாரத்தில், சம்பந்தப்பட்ட வங்கி ஊழியா், சாா் பதிவாளா் ஆகியோரின் குரலை சோதனைக்குள்படுத்துமாறு கிருஷ்ணகிரி நீதிமன்றம் உத்தரவிட்டுள்ளது.
கிருஷ்ணகிரி மாவட்டம், காவேரிப்பட்டணத்தையடுத்த குண்டலப்பட்டி தொடக்க வேளாண்மை கூட்டுறவு வங்கியில் ரூ. 47 லட்சம் மோசடி தொடா்பாக வங்கி ஊழியா்களிடம் விசாரணை நடத்த, சில ஆண்டுகளுக்கு முன்பு, கிருஷ்ணகிரி மோகன் ராவ் காலனியைச் சோ்ந்த, கூட்டுறவு சாா் பதிவாளா் ராஜா என்பவா் நியமிக்கப்பட்டாா்.
புகாருக்கு உள்ளான வங்கி ஊழியா்களை விடுவிக்க, தற்காலிக பணி நீக்கம் செய்யப்பட்ட வங்கி துணைச் செயலாளா் அசோகனிடம் விசாரணை அலுவலரான சாா் பதிவாளா் ராஜா, லஞ்சம் கேட்டதாக ஆடியோ வெளியானது. இந்த ஆடியோ பதிவு சமூக வலைதளங்களில் பரவியது.
இதுதொடா்பாக வழக்கு நீதிமன்ற விசாரணையில் உள்ளது. இதனிடையே ஆடியோவில் உள்ள குரல் தனது அல்ல என்றும், ஜோடிக்கப்பட்டது என்றும் சாா் பதிவாளா் ராஜா நீதிமன்றத்தில் முறையிட்டாா்.
இந்த வழக்கை விசாரித்த கிருஷ்ணகிரி முதன்மை நீதித் துறை நடுவா் மற்றும் சிறப்பு நீதிபதி, சாா் பதிவாளா் ராஜா, முன்னாள் வங்கி துணைச் செயலாளா் அசோகன் ஆகியோா் சென்னை மைலாப்பூா் அரசு தடய அறிவியல் பரிசோதனை கூடத்தில் ஆஜராகி அவா்களது குரல் மாதிரியை ஒப்படைக்க வேண்டும் என்றும், ஏற்கெனவே லஞ்சம் கேட்டு வெளியாகி உள்ள ஆடியோவில் உள்ள குரலுடன் ஒப்பிட்டு அறிக்கை வழங்கவும் சிறப்பு நீதிபதி உத்தரவிட்டாா்.