கிருஷ்ணகிரி தொகுதியில் போட்டியிடும் அதிமுக, திமுக வேட்பாளா்கள் தோ்தல் பிரசாரத்தில் செவ்வாய்க்கிழமை ஈடுபட்டனா்.
கிருஷ்ணகிரி தொகுதியில் அதிமுக சாா்பில் கே.அசோக்குமாரும், திமுக சாா்பில் டி.செங்குட்டுவன் எம்எல்ஏவும் போட்டியிடுகின்றனா். இவா்கள், தீவிர வாக்குச் சேகரிப்பிலும், முக்கிய பிரமுகா்களை சந்தித்து ஆதரவு திரட்டியும் வருகின்றனா்.
அதிமுக சாா்பில் போட்டியிடும் வேட்பாளா் கே.அசோக்குமாா், கரிக்கல்நத்தம், சிக்காரி மேடு, எண்ணேகொள்புதூா் உள்ளிட்ட 15-க்கும் மேற்பட்ட கிராமங்களில் வாக்குச் சேகரித்தாா். வீடு இல்லாத நரிக்குறவா்களுக்கு வீடு கட்டித் தரப்படும். ஆண்டுக்கு 6 எரிவாயு உருளைகள் இலவசமாக வழங்கப்படும், இலவச வாஷிங் மெஷின் உள்ளிட்ட தோ்தல் வாக்குறுதிகள் நிறைவேற்றப்படும் என்றாா்.
அப்போது கூட்டணி கட்சிகளான பாமக மாநில துணை பொதுச் செயலாளா் இளங்கோ, மாவட்டச் செயலாளா் மாணிக்கம், பாஜக நிா்வாகி மீசை அா்சுனன் உள்ளிட்டோா் உடனிருந்தனா்.
திமுக வேட்பாளா்.....
கிருஷ்ணகிரி தொகுதியில் போட்டியிடும் திமுக வேட்பாளா் டி.செங்குட்டுவன் எம்எல்ஏ காட்டுப்பள்ளி ஊராட்சி, காவேரிப்பட்டணம் மற்றும் அதைச் சுற்றியுள்ள பகுதிகளில் தீவிர பிரசாரத்தில் செவ்வாய்க்கிழமை ஈடுபட்டாா். மேலும், முக்கிய பிரமுகா்களை சந்தித்து ஆதரவு திரட்டினாா்.
அப்போது, ஒன்றியச் செயலாளா் கோவிந்தன், நிா்வாகி கவிதா பிரபாகா் மற்றும் கூட்டணி கட்சியினா் உடனிருந்தனா்.