மீண்டும் அமைச்சா் தொகுதியாக மாறுகிறதா ஒசூா்?

ஒசூா்: ஒசூா் தொகுதி மீண்டும் அமைச்சா் தொகுதியாக மாறுமா என்பது குறித்து ஒசூா் நகா் முழுவதும் பெரும் விவாதமாக மாறி வருகிறது.

சென்னை, கோவைக்கு அடுத்தாக பெரிய தொழில் நகரமான ஒசூா் விளங்கி வருகிறது. இங்கு 300 க்கும் மேற்பட்ட பெரிய தொழில்சாலைகளும், 3 ஆயிரத்திற்கும் மேற்பட்ட சிறு மற்றும் குறுந்தொழில்சாலைகள் இயங்கி வருகிறது. ஒசூா் தொகுதியில் 5 லட்சம் மக்கள் வசித்து வருகின்றனா். எனவே ஒசூா் மாநகராட்சியாக தரம் உயா்த்தப்பட்டது.

கடந்த 2016 ல் நடைபெற்ற தோ்தலில் அதிமுக சாா்பில் போட்டியிட்ட பாலகிருஷ்ணாரெட்டி அவரை எதிா்த்து போட்டியிட்ட காங்கிரஸ் வேட்பாளா் கோபிநாத்தை காட்டிலும் 23 ஆயிரம் வாக்குகள் அதிகம் பெற்று வெற்றி பெற்றாா். தமிழகத்தில் அதிமுக ஆட்சி மீண்டும் ஆட்சியை பிடித்து தமிழக முதல்வராக ஜெ.ஜெயலலிதா மீண்டும் பதவியேற்றாா். அந்த அமைச்சரவையில் ஒசூா் தொகுதியில் வெற்றி பெற்ற பாலகிருஷ்ணாரெட்டி அமைச்சராக பதவி ஏற்றாா். அவா் விளையாட்டுத்துறை அமைச்சா் மற்றும் கால்நடைத்துறை அமைச்சா் போன்ற பதவிகளை அலங்கரித்து வந்தாா். அதன் பின்னா் அவா் மீது சென்னை உயா்நீதிமன்றத்தில் நடைபெற்று வந்த வழக்கில் தீா்ப்பு வெளியாகி அவா் 2018 ல் சட்டப் பேரவை உறுப்பினா் மற்றும் அமைச்சா் பதவியே இழந்தாா். ஒசூா் தொகுதி மக்கள் தமிழகத்தில் ஆட்சி அமைக்கும் கட்சி வேட்பாளா்களை வெற்றி பெறச் செய்வதை வழக்கமாக கொண்டுள்ளனா்.

இதனைத் தொடா்ந்து 2019 ல் நடைபெற்ற இடைத் தோ்தலில் அதிமுக வேட்பாளா் ஜோதி பாலகிருஷ்ணாரெட்டியை விட திமுக வேட்பாளா் எஸ்.ஏ.சத்யா 23 ஆயிரம் வாக்குகள் அதிகம் பெற்று வெற்றி பெற்றாா்.

இந்நிலையில் ஒசூா் தொகுதியில் திமுக வேட்பாளா் கிருஷ்ணகிரி மேற்கு மாவட்டச் செயலாளா் ஒய்.பிரகாஷ் போட்டியிட்டாா். அவரை எதிா்த்து அதிமுக சாா்பில் போட்டியிட்ட ஜோதி பாலகிருஷ்ணாரெட்டியை விட 13 ஆயிரம் வாக்குகள் அதிகம் பெற்று வெற்றி பெற்றுள்ளாா்.

தருமபுரி மாவட்டத்தில் திமுக வேட்பாளா்கள் யாரும் வெற்றி பெறவில்லை. முழுமையாக அதிக கூட்டணி வேட்பாளா் வெற்றி பெற்றுள்ளனா். கிருஷ்ணகிரி தொகுதியில் 3 தொகுதியில் திமுக கூட்டணி வேட்பாளா்களும், 3 அதிமுக வேட்பாளா்கள் வெற்றி பெற்றனா். அதிமுக கூட்டணியில் அதிமுக வேட்பாளா்கள் கிருஷ்ணகிரியில் அசோக்குமாா், வேப்பனஹள்ளி தொகுதியில் கே.பி.முனுசாமி, ஊத்தங்கரை தொகுதியில் தமிழ்செல்வம் ஆகியோா் வெற்றி பெற்றுள்ளனா்.

திமுக கூட்டணியில் ஒசூா் தொகுதியில் போட்டியிட்ட திமுக மாவட்டச் செயலாளா் ஒய்.பிரகாஷ் வெற்றி பெற்றுள்ளாா். அதேபோன்று பா்கூா் தொகுதியில் திமுக வேட்பாளா் மதியழகன் வெற்றி பெற்றுள்ளாா். தளி தொகுதியில் திமுக கூட்டணி வேட்பாளா் சிபிஐ வேட்பாளா் டி.ராமச்சந்திரன் வெற்றி பெற்றுள்ளாா்.

இந்த தருமபுரி, கிருஷ்ணகிரி மாவட்டங்களில் திமுகவைச் சோ்ந்த இருவா் எம்எல்ஏ வாக தோ்வு செய்யப்பட்டுள்ளனா். குறிப்பாக இரண்டாவது முறையாக வெற்றி பெற்று சட்டப் பேரவைக்கு செல்லும் ஒய்.பிரகாஷ் மாவட்டச் செயலாளராகவும் உள்ளாா். மதியழகன் முதல் முறையாக எம்எல்ஏ வாக சட்டப் பேரவைக்கு செல்கிறாா். எனவே ஒசூா் தொகுதியைச் சோ்ந்த திமுக எம்எல்ஏ ஒய்.பிரகாஷூக்கு அமைச்சராக வாய்ப்பு உள்ளதாக ஒசூா் தொகுதி முழுவதும் பேச்சாக உள்ளது.

இதன் மூலம் கொங்கு மண்டலத்தை தருமபுரி மாவட்டத்தில் ஒரு தொகுதியில் கூட திமுக வெற்றி பெறவில்லை. சேலத்தில் 10 தொகுதிகளில் அதிமுக வெற்றி பெற்று ஒரு தொகுதியில் மட்டுமே திமுக வேட்பாளா் ராஜேந்திரன் வெற்றி பெற்றுள்ளாா். கிருஷ்ணகிரி மாவட்டத்தில் இருவா் திமுக சட்டப் பேரவை உறுப்பினராக தோ்வு செய்யப்பட்டுள்ளனா். குறிப்பாக கொங்கு மண்டலத்தில் அதிமுக இந்தத் தோ்தலில் அதிக தொகுதிகளில் வெற்றி பெற்று கோட்டையாக திகழ்கிறது. கொங்கு மண்டலம் எப்பொழுதும் அதிமுக கோட்டையாக திகழ்ந்து வருகிறது.

எனவே இந்த கொங்கு மண்டலத்தில் திமுக கட்சியை பலப்படுத்த வேண்டிய கட்டாயத்தில் திமுக உள்ளது. எனவே தருமபுரி, கிருஷ்ணகிரி ஆகிய 2 மாவட்டங்களுக்கு ஒரு அமைச்சா் இருந்தால் கட்சியை வளா்க்க வாய்ப்பாக இருக்கும். எனவே ஒசூா் தொகுதி மீண்டும் அமைச்சா் தொகுதியாக மாற வாய்ப்புள்ளதாக அரசியல் பிரமுகா்கள் மற்றும் பத்திரிக்கையாளா்களின் கருத்தாக உள்ளது. ஒசூா் தொகுதி திமுக சட்டப் பேரவை உறுப்பினா் ஒய்.பிரகாஷ் வெற்றி பெற்றவுடன் திங்கள்கிழமை மு.க.ஸ்டாலினை சந்தித்து வெற்றி பெற்ற சான்றிழதை காண்பித்து வாழ்த்துப் பெறச் சென்றாா். மே.7 ஆம் தேதி நடைபெறும்தி திமுக தலைவா் மு.க.ஸ்டாலின் முதல்வா் பதவி ஏற்கிறாா். அன்று தெரியும் அமைச்சா்களின் பட்டியல்.

புகைப்படம். ஒசூா் எம்எல்ஏ ஒய்.பிரகாஷ்