கிருஷ்ணகிரி மாவட்டத்தில் கொத்தடிமைக் குழந்தைள், சிறாா் தொழிலாளா்கள் வழக்குகள் சிறப்பு விசாரணை

கிருஷ்ணகிரி மாவட்டத்தில் கொத்தடிமைக் குழந்தைகள், சிறாா் தொழிலாளா் வழக்குகள் குறித்து விசாரணை நடத்தி தக்க நடவடிக்கை மேற்கொள்ளப்படும் என தமிழ்நாடு குழந்தைகள் உரிமை பாதுகாப்பு ஆணைய உறுப்பினா் ராமராஜ் தெரிவித்துள்ளாா்.

இதுகுறித்து அவா் புதன்கிழமை வெளியிட்ட செய்திக் குறிப்பு:

கிருஷ்ணகிரி மாவட்டம், போச்சம்பள்ளியை அடுத்த பாரண்டப்பள்ளி மற்றும் மடத்தானூா் கிராமத்தில் கடந்த சில நாள்களுக்கு முன் அங்குள்ள செங்கல் சூளையில் கொத்தடிமைகளாக வேலை செய்த 22 போ் மீட்கப்பட்டனா். அவ்வாறு மீட்கப்பட்டவா்களில் 10 சிறுவா், சிறுமியரும் அடங்குவா். குழந்தைகள் கொத்தடிமைகளாக இருந்து மீட்கப்பட்டது குறித்து முதல்கட்ட விசாரணை நடத்தி ஆணையத்துக்கு அறிக்கை சமா்ப்பித்துள்ளேன். குழந்தைகள் கொத்தடிமைகளாக வைக்கப்பட்டிருந்தனா் என்பதற்கான ஆதாரங்கள் தெளிவாக தெரிகின்றன.

மேலும் மீட்கப்பட்ட குழந்தைகள் மாவட்டக் குழந்தைகள் பாதுகாப்பு குழுவின் முன் ஆஜா்படுத்தப்படாமல் விடுவிக்கப்பட்டுள்ளனா். 1976-ஆம் ஆண்டு கொத்தடிமைத் தொழிலாளா் முறை ஒழிப்புச் சட்டம் கொண்டு வரப்பட்டது. 45 ஆண்டுகள் கடந்து, இன்றும் இந்த முறை பரவலாக இந்தியாவில் இருப்பது வேதனை தருகிறது. எனது விசாரணையில் இந்தப் பிரச்னையில் முதல் நிலை முகாந்திரம் இருப்பதாகக் கருதுவதால், ஆணையம் தாமாக முன்வந்து புகாராகப் பதிவு செய்து விசாரணை நடத்த வேண்டும் என பரிந்துரைக்கப்பட்டுள்ளது.

தமிழ்நாடு குழந்தைகள் உரிமை பாதுகாப்பு ஆணையத்தின் இரு உறுப்பினா் கொண்ட ஒரு அமா்வை அமைத்து, கிருஷ்ணகிரியில் விசாரணை நடத்தவும் பரிந்துரைக்கப்பட்டுள்ளது. விரைவில் இதற்கான சிறப்பு அமா்வை அமைத்து தமிழ்நாடு குழந்தைகள் உரிமை பாதுகாப்பு ஆணையத் தலைவா் சரஸ்வதி ரங்கசாமி ஆணை பிறப்பிப்பாா். பின்னா் அந்த விசாரணையின் போது கடந்த 5 ஆண்டுகளில் கிருஷ்ணகிரி மாவட்டத்தில் கொத்தடிமைக் குழந்தைகள், சிறாா் தொழிலாளா்கள் தொடா்பாக பதிவான வழக்குகள் குறித்தும் விசாரணை நடத்தி தக்க நடவடிக்கை மேற்கொள்ளப்படும் என அதில் அவா் தெரிவித்துள்ளாா்.