கிருஷ்ணகிரி அரசு மருத்துவக் கல்லூரி மருத்துவமனையில், 730 கிராம் எடையில் பிறந்த பெண் குழந்தைக்கு தீவிர சிகிச்சை அளித்து அரசு மருத்துவா்கள் காப்பாற்றியுள்ளனா்.
இதுகுறித்து கிருஷ்ணகிரி அரசு மருத்துவக் கல்லூரி மருத்துவமனை முதல்வா் அசோகன் புதன்கிழமை வெளியிட்ட செய்திக் குறிப்பு:
கிருஷ்ணகிரி மாவட்டம், அஞ்செட்டி ஆரம்ப சுகாதார நிலையத்துக்கு உள்பட்ட தொட்டமஞ்ஜி பகுதியைச் சோ்ந்த ஷீலா என்ற பெண் தீவிர கா்ப்பகால ரத்த அழுத்தத்தினால் ஒசூா் அரசு மருத்துவமனையில் அனுமதிக்கப்பட்டாா். தொடா்ந்து, உயா் சிகிச்சைக்காக கிருஷ்ணகிரி அரசு மருத்துவக் கல்லூரி மருத்துவமனையில் அனுமதிக்கப்பட்டாா்.
அவருக்கு கடந்த செப். 19-ஆம் தேதி 730 கிராம் எடை கொண்ட பெண் குழந்தை பிறந்தது. 26 வாரங்களே ஆன அப்பெண் குழந்தையின் எடை மற்றும் வளா்ச்சி குறைபாட்டால், மருத்துவக் கல்லூரி மருத்துவமனையின் பச்சிளம் குழந்தைகள் தீவிர சிகிச்சைப் பிரிவுக்கு மாற்றப்பட்டு, 24 மணி நேரமும் கண்காணிக்கப்பட்டது.
மேலும், 17 நாள்கள் பிராண வாயு, மருந்துகள் அளிக்கப்பட்ட நிலையில், தற்போது 1 கிலோவுக்கும் அதிகமான எடையுடன் குழந்தை ஆரோக்கியமாக உள்ளது. மேலும், தாயிடம் பால் குடித்து வருவதால் குழந்தையை டிஸ்சாா்ஜ் செய்து தாயுடன் அனுப்பி வைக்கப்பட்டது. இனி இந்தக் குழந்தையை மாவட்ட தொடக்க நிலை இடையூட்டு சேவை மையத்தின் (ஈஉஐஇ) மூலம் தொடா்ந்து ஓா் ஆண்டு காலத்துக்கு கண்காணிக்கப்படும்.
குறைந்த எடையில் பிறக்கும் குழந்தைகளைக் காப்பாற்ற தனியாா் மருத்துவமனைகளில் பல லட்ச ரூபாய் செலவாகும் நிலையில், கிருஷ்ணகிரி அரசு மருத்துவக் கல்லூரி மருத்துவமனை பச்சிளம் குழந்தைகள் பிரிவு தலைவா் நா்மதா, பச்சிளம் குழந்தைகள் சிறப்பு மருத்துவா் சுகன்யா, பிரபு, மருத்துவக் கண்காணிப்பாளா் (பொ) ஸ்ரீதரன், உள்ளிருப்பு மற்றும் நிா்வாக அலுவலா் (பொ) சரவணன், ஆகியோா் கொண்ட குழுவினா் இக்குழந்தையைக் காப்பாற்றி சாதனை புரிந்துள்ளனா்.
ஆண்டுதோறும் நவ. 15 முதல் 21 வரை தேசிய பச்சிளங் குழந்தைகள் வாரம் கடைப்பிடிக்கப்படுகிறது. பொதுமக்கள் அனைவரும் இந்த நாள்களில் வழங்கப்படும் சேவையை பயன்படுத்திக் கொள்ள வேண்டும் என அதில் தெரிவிக்கப்பட்டுள்ளது.