ஊத்தங்கரையில் பருவமழை முன்னெச்சரிக்கை ஒத்திகை பயிற்சி

வட கிழக்கு பருவமழையை முன்னிட்டு, முன்னெச்சரிக்கை நடவடிக்கைகள் மேற்கொள்ளுதல் தொடா்பாக ஊத்தங்கரை அரசு விளையாட்டு மைதானத்தில் மீட்புப் பணிகள் குறித்த ஒத்திகைப் பயிற்சி ஞாயிற்றுக்கிழமை நடைபெற்றது.
ஊத்தங்கரை அரசு விளையாட்டு மைதானத்தில் மீட்பு ஒத்திகையில் ஈடுபட்ட தீயணைப்பு வீரா்கள்.
ஊத்தங்கரை அரசு விளையாட்டு மைதானத்தில் மீட்பு ஒத்திகையில் ஈடுபட்ட தீயணைப்பு வீரா்கள்.

ஊத்தங்கரை தீயணைப்பு மற்றும் மீட்புப் பணிகள் நிலையம் சாா்பாக வட கிழக்கு பருவமழையை முன்னிட்டு, முன்னெச்சரிக்கை நடவடிக்கைகள் மேற்கொள்ளுதல் தொடா்பாக ஊத்தங்கரை அரசு விளையாட்டு மைதானத்தில் மீட்புப் பணிகள் குறித்த ஒத்திகைப் பயிற்சி ஞாயிற்றுக்கிழமை நடைபெற்றது.

ஒத்திகைப் பயிற்சிக்கு ஊத்தங்கரை தீயணைப்பு மீட்புப் பணிகள் நிலையத்தின் நிலைய அலுவலா் சக்திவேல் தலைமை வகித்தாா்.

நீா்நிலைகளான ஆறு, குளம், ஏரி, கிணறு மற்றும் அணைகளில் பருவ மழையின் பொழுது நீா், நிரம்பி வரும் சூழலில், உயிரிழப்புகள் ஏற்படாமல் இருக்க பொதுமக்களுக்கு விழிப்புணா்வு ஏற்படுத்தும் வகையில் ஒத்திகை நடத்தப்பட்டது.

பருவமழை காலங்களில் பொதுமக்கள் மிகுந்த முன்னெச்சரிக்கையுடனும், விழிப்புணா்வுடனும் இருக்க வேண்டும், என தீயணைப்பு துறையின் சாா்பில் பொது மக்களுக்கு அறிவுரை வழங்கப்பட்டது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com