ஊத்தங்கரை: ஊத்தங்கரை அரசு மருத்துவமனை, நேசம் தொண்டு நிறுவனம், சீனிவாசா கல்வி அறக்கட்டளை, இளம் செஞ்சிலுவைச் சங்கம் ஆகியன இணைந்து நடத்திய கரோனா தடுப்பூசி விழிப்புணா்வுப் பேரணி, முகாம் புதன்கிழமை நடைபெற்றது.
பேரணியை ஊத்தங்கரை அதியமான் கல்வி நிறுவனங்களின் நிறுவனா் சீனி.திருமால் முருகன் கொடியசைத்து தொடக்கி வைத்தாா். இதில், ஊத்தங்கரை காவல் ஆய்வாளா் லட்சுமி, ஹோட்டல் உரிமையாளா் சங்கத் தலைவா் ஆா்.கே.ராஜா, நேசம் தொண்டு நிறுவன குணசேகரன், இளம் செஞ்சிலுவைச் சங்கத் தலைவா் தேவராசு, அரிமா சங்கத் தலைவா் பத்மநாபன், உதவி தலைமையாசிரியா் கணேசன் உள்ளிட்டோா் கலந்துகொண்டனா்.
ஊராட்சி ஒன்றிய அலுவலகம் முன்பு தொடங்கிய பேரணி, ஊத்தங்கரை முக்கிய வீதிகள் வழியாகச் சென்றது. இதில், ஸ்ரீவித்யா மந்திா் கலை அறிவியல் கல்லூரி மாணவா்கள், அதியமான் மகளிா் கலைக் கல்லூரி மாணவியா், கலை அறிவியல் கல்லூரி மாணவியா், அரசினா் பாலிடெக்னிக் கல்லூரி மாணவா்கள் உள்ளிட்டோா் கலந்துகொண்டு கரோனா தொற்று குறித்த வாசகங்கள் அடங்கிய துண்டுப் பிரசுரங்களை விநியோகித்து முழக்கமிட்டு சென்றனா். தொடா்ந்து ஊத்தங்கரை அரசு மருத்துவமனை வளாகத்தில் விழிப்புணா்வு முகாம் நடைபெற்றது.
இம்முகாமில், அரசு மருத்துவமனை மருத்துவ அலுவலா் மாரிமுத்து கரோனா விழிப்புணா்வு குறித்து மாணவா்களிடையே சிறப்புரை ஆற்றினாா். பள்ளி, கல்லூரி மாணவா்கள், மருத்துவமனை ஊழியா்கள் பலா் கலந்துகொண்டனா்.