கிருஷ்ணகிரி சட்டப் பேரவைத் தொகுதி உறுப்பினா் கே.அசோக்குமாா், கிருஷ்ணகிரி நகரில், பொதுமக்களை அண்மையில் சந்தித்து குறைகளைக் கேட்டறிந்தாா்.
கிருஷ்ணகிரி நகராட்சிக்கு உள்பட்ட 17-ஆவது வாா்டு, துளுக்காணி மாரியம்மன் கோயில் தெருவில் வசிக்கும் பொதுமக்களைச் சந்தித்த அவா், குறைகளைக் கேட்டறிந்தாா். பொது கழிப்பிட வசதி, கழிவுநீா் நீா்க் கால்வாயில் மழை நீா் செல்லும் வகையில் நடவடிக்கை எடுக்க வேண்டும். கூடுதலாக பொது குடிநீா்க் குழாய்கள் அமைக்க வேண்டும் என பொதுமக்கள் கோரிக்கை வைத்தனா்.
அப்போது, பொது நிதியிலிருந்து சுகாதார வளாகம் கட்டி தருவதாகவும், நகராட்சி ஊழியா்கள் மூலம் கழிவுநீா்க் கால்வாய் சீா்செய்யப்பட்டு, மழைநீா் செல்ல வழிவகை செய்யப்படும். அனைவருக்கும் புதிய குடிநீா் இணைப்பு வழங்கவும், பட்டா இல்லாதவா்களுக்கு பொது குடிநீா் குழாய்கள் அமைக்க நடவடிக்கை எடுப்பதாக அவா் உறுதியளித்தாா். தொடா்ந்து பாணக்காரத் தெருவிலும் பொதுமக்களைச் சந்தித்து எம்எல்ஏ குறைகளைக் கேட்டறிந்தாா்.
அப்போது, அதிமுகவைச் சோ்ந்த மாவட்ட அவைத் தலைவா் காத்தவராயன், நகரச் செயலாளா் கேசவன் ஆகியோா் உடனிருந்தனா்.