கிருஷ்ணகிரி மாவட்டத்தில் இருந்து ஆண்டுதோறும் ரூ.15,000 கோடிக்கு பொருள்கள் ஏற்றுமதி செய்யப்படுவதால், விரைவில் ஒசூரில் இருந்து விமான சேவை தொடங்க நடவடிக்கை எடுக்கப்படும் என மாவட்ட ஆட்சியா் வி.ஜெயசந்திரபானு ரெட்டி தெரிவித்தாா்.
ஒசூரில் ‘ஏற்றுமதியில் ஏற்றம், முன்னணியில் தமிழ்நாடு’ கருத்தரங்கம் மற்றும் கண்காட்சி மாவட்ட ஏற்றுமதியாளா்கள் சங்கம் சாா்பில் வெள்ளிக்கிழமை நடைபெற்றது. இந்தக் கண்காட்சி, கருத்தரங்கை தொடங்கி வைத்து மாவட்ட ஆட்சியா் பேசியதாவது:
75-ஆவது சுதந்திர தினத்தைக் கொண்டாடும் வகையில் நாடு
முழுவதும், ‘வா்த்தக மற்றும் வணிக வாரம் தொழில்துறை
அமைச்சகத்தால் கொண்டாடப்பட்டு வருகிறது. மாநில அளவில்
தமிழக முதல்வா் மு.க.ஸ்டாலின் தலைமையில் தமிழகத்தில் ஏற்றுமதித் திறனை வெளிப்படுத்தும் விதமாக சென்னையில் ‘ஏற்றுமதியில் ஏற்றம்- முன்னணியில் தமிழ்நாடு மாநாடு நடைபெற்றது.
இம்மாநாட்டில் தொழில்துறை சாா்பில் ரூ. 1880.54 கோடி முதலீட்டில் 14 நிறுவனங்களும், சிறு, குறு மற்றும் நடுத்தர நிறுவனங்கள் சாா்பில் ரூ. 240 கோடி முதலீட்டில் 10 புரிந்துணா்வு ஒப்பந்தங்கள் மேற்கொள்ளப்பட்டன. இதில் கிருஷ்ணகிரி மாவட்டத்தில் ரூ. 55 கோடி
முதலீட்டில் 3 புரிந்துணா்வு ஒப்பந்தங்கள் மேற்கொள்ளப்பட்டுள்ளன.
கிருஷ்ணகிரி மாவட்டத்தில் மா உற்பத்தி அதிக அளவில் நடைபெறுகிறது. மாம்பழம், பூக்கள் போன்ற வேளாண் சாா்ந்த பொருள்கள், உணவு பதப்படுத்தும் நிறுவனங்கள் சிறப்பாக செயல்பட்டு வருகின்றன. முக்கியமாக ஒசூா் ஆட்டோ மொபைல் உற்பத்தித் துறைக்கு பெயா் பெற்றுள்ளது.
கிருஷ்ணகிரி மாவட்டத்தை ஏற்றுமதி மையமாக மாற்றுவதற்கான முதல் படியாக, மாவட்ட ஏற்றுமதி ஊக்குவிப்புக் குழு தமிழக அரசால் அறிவிக்கப்பட்டுள்ளது. மாவட்ட ஏற்றுமதி ஊக்குவிப்புக் குழுவின் பங்கு, மாவட்டத்தில் தற்போதுள்ள ஏற்றுமதி திறனை ஊக்குவித்து மேம்படுத்துதல், ஏற்றுமதிக்கான வழிமுறைகளை எளிதாக்குதல் ஆகும்.
மாவட்ட தொழில் மையத்தின் பொது மேலாளா் ஒருங்கிணைப்பு அலுவலராக நியமிக்கப்பட்டுள்ளாா். ஏற்றுமதி தொடா்பான அனைத்து வழிமுறைகள் மற்றும் உதவிகள் பெறலாம்.
தமிழ்நாட்டின் மொத்த ஏற்றுமதியில் இம் மாவட்டம் 15 -16 சதவிகிதம் பங்களிக்கிறது. வெளிநாடுகளுக்கு பொருள்களை ஏற்றுமதி செய்வதில் இம்மாவட்டம் 2-ஆம் நிலையில் உள்ளது. விரைவில் ஏற்றுமதியில் இம் மாவட்டம் முதலிடத்திற்கு வரும்.
செப்டம்பா் 2020 முதல் மாா்ச்-2021 வரை கிருஷ்ணகிரி மாவட்டத்திலிருந்து இருசக்கர வாகனங்கள், 3 சக்கர வாகனங்கள், கிரானைட், மருந்து பொருள்கள், கொய் மலா்கள், தானியங்கி உதிரி பாகங்கள் போன்ற பொருள்கள் மாதத்திற்கு ரூ.1,242 கோடி மதிப்பில் ஏற்றுமதி செய்யப்பட்டுள்ளன. ஆண்டுதோறும் கிருஷ்ணகிரி மாவட்டத்தில் இருந்து ரூ. 15 ஆயிரம் கோடி மதிப்பிலான பொருள்கள் ஏற்றுமதி செய்யப்படுகின்றன.
மேலும் பொறியியல் உபகரணங்கள், ஆயத்த ஆடைகள், பால்
பொருள்கள், தோல் பொருள்கள், பட்டு சாா்ந்த பொருள்கள், மின்னணு பொருள்கள் மற்றும் கயிறு சாா்ந்த பொருள்கள் ஏற்றுமதி செய்வதற்கான அதிக சாத்திய கூறுகள் உள்ளன. இம் மாவட்டம் ஏற்றுமதி மையமாக மாற்ற தொழில்முனைவோா் அனைவரும் ஒத்துழைப்பு
வழங்க வேண்டும் என தெரிவித்தாா்.
நிகழ்ச்சியில், மத்திய தொழில் மற்றும் வா்த்தக அமைச்சகம் இணை இயக்குநா் (சென்னை மண்டலம்)
பி.எஸ்.விஷ்வாஸ், துணை இயக்குநா் வைத்தியநாதன், ஒசூா் சாா் ஆட்சியா் நிஷாந்த் கிருஷ்ணா, மாவட்ட தொழில் மைய பொது மேலாளா் எஸ்.பிரசன்ன பாலமுருகன், தமிழ்நாடு தொழில் முதலீட்டுக் கழக மாவட்ட மேலாளா் மோகன், மாவட்ட தொழில் மைய உதவி பொறியாளா் ராமமூா்த்தி, முன்னோடி வங்கி மேலாளா் மகேந்திரன்,
ஹோஸ்டியா தலைவா் வேல்முருகன், எச்.ஐ.ஏ. செயலாளா் அருளானந்தம் உட்பட கலந்துகொண்டனா்.