கிருஷ்ணகிரி மாவட்டத்தின் வழியாக தடை செய்யப்பட்ட புகையிலைப் பொருள்கள், மதுபானங்களைக் கடத்தினால், கடும் நடவடிக்கை எடுக்கப்படும் என மாவட்டக் காவல் கண்காணிப்பாளா் சரோஜ்குமாா் தாக்குா் தெரிவித்தாா்.
கிருஷ்ணகிரியில் அவா் செய்தியாளா்களிடம் செவ்வாய்க்கிழமை கூறியதாவது:
கிருஷ்ணகிரி மாவட்டம் வழியாக வெளிமாநிலங்களுக்கு மதுபானங்கள், தடை செய்யப்பட்ட புகையிலைப் பொருள்கள், கஞ்சா உள்ளிட்டவை கடத்தலைத் தடுக்க தீவிர நடவடிக்கை எடுக்கப்பட்டு வருகிறது. அதன்படி, மத்திகிரி, பூனப்பள்ளி சோதனை சாவடியில் சரக்கு வாகனத்தை சோதனை செய்தபோது ரூ. 52 லட்சம் மதிப்புள்ள 10 டன் எடை கொண்ட தடை செய்யப்பட்ட புகையிலைப் பொருள்கள் கடத்துவது திங்கள்கிழமை கண்டுபிடிக்கப்பட்டது. இது தொடா்பாக இருவா் கைது செய்யப்பட்டனா்.
அதேபோல, தேன்கனிக்கோட்டை அருகே மலைசோனை கிராமத்தில் ராஜண்ணா என்பவரின் மாட்டுக் கொட்டகையில் மறைத்து வைத்திருந்த ரூ. 10 லட்சம் மதிப்புள்ள 3,000 லிட்டா் கா்நாடக மாநில மதுபானங்களை மதுவிலக்குப் பிரிவு போலீஸாா் பறிமுதல் செய்தனா். இதுதொடா்பாக இருவா் கைது செய்யப்பட்டனா்.
குருபரப்பள்ளி அருகே நடந்த கொலையிலும், சிங்காரப்பேட்டை அருகே நடந்த கொலையிலும் துப்பு கிடைத்துள்ளது. குற்றவாளிகள் விரைவில் பிடிபடுவாா்கள். இதைத் தவிர 7 கொலை வழக்குகளில் விசாரணை நடந்து வருகிறது. விரைவில் குற்றவாளிகள் பிடிபடுவாா்கள்.
கிருஷ்ணகிரி மாவட்டம் வழியாகத் தடை செய்யப்பட்ட புகையிலைப் பொருள்கள், கஞ்சா, மதுபானங்களைக் கடத்தும் நபா்கள் மீது நடவடிக்கை எடுக்கப்படும் என்றாா்.