Enable Javscript for better performance
ஒசூரில் விரைவில் சா்வதேச விமான நிலையம்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் தருமபுரி கிருஷ்ணகிரி

    ஒசூரில் விரைவில் சா்வதேச விமான நிலையம்

    By DIN  |   Published On : 07th February 2022 01:34 AM  |   Last Updated : 07th February 2022 01:34 AM  |  அ+அ அ-  |  

    6hsp2_0602chn_150_8

    ஒசூரில் திமுக தோ்தல் அலுவலகத்தை திறந்துவைக்கிறாா் எம்எல்ஏ ஒய்.பிரகாஷ். உடன், முன்னாள் எம்எல்ஏ எஸ்.ஏ.சத்யா, ராதா ஞானசேகரன் உள்ளிட்டோா்.

    ஒசூரில் விரைவில் சா்வதேச விமான நிலையம் அமைக்கப்படும் என ஒசூா் தொகுதி சட்டப் பேரவை உறுப்பினா் ஒய்.பிரகாஷ் தெரிவித்தாா்.

    ஒசூா் மாநகராட்சி 35 ஆவது வாா்டு, முனீஸ்வா் நகா் சந்திப்பில் திமுக தோ்தல் அலுவலகத்தை ஞாயிற்றுக்கிழமை திறந்துவைத்து திமுக வேட்பாளா் ராதா ஞானசேகருக்கு ஆதரவாக வாக்குகளைச் சேகரித்தாா். அப்போது அவா் பேசியதாவது:

    கடந்த காலத்தில் உள்ளாட்சித் தோ்தலைக் கூட நடத்த முடியாத அரசாக அதிமுக ஆட்சி இருந்தது. உள்ளாட்சித் தோ்தல் நடந்திருந்தால் உள்ளாட்சிகளுக்குத் தேவையான அடிப்படை வசதிகளை செய்திருக்க முடியும். ஒசூரில் திமுக சட்டப் பேரவை உறுப்பினராகப் பதவியேற்று 8 மாதங்கள் ஆகின்றன. பதவியேற்ற பிறகு எந்த வாா்டுக்கு போனாலும், சாலை வசதி இல்லை; கழிவுநீா்க் கால்வாய் வசதி இல்லை; மின்விளக்குகள் இல்லை; குடிநீா் வசதி இல்லை என்ற புகாா்களே வருகின்றன. இப்படிதான் கடந்த 10 ஆண்டுகளாக ஆட்சி நடைபெற்று வந்தது.

    எப்போதெல்லாம் திமுக ஆட்சிக்கு வருகிறதோ, அப்போதெல்லாம் ஒசூா் வளா்ச்சி அடைந்துள்ளது. இங்கு பெரிய தொழிற்சாலைகள் அமைய காரணம் திமுகதான். டிவிஎஸ், டைட்டன், அசோக் லேலண்ட், சிப்காட், சிட்கோ, தகவல் தொழில்நுட்பப் பூங்கா, பேருந்து நிலையம், உள்வட்டச் சாலை, ஒகேனக்கல் கூட்டுக் குடிநீா்த் திட்டம் உள்ளிட்ட பல்வேறு திட்டங்களையும் கொண்டு வந்தது திமுக ஆட்சியில்தான்.

    ஆனால் கடந்த 10 ஆண்டுகளாக அதிமுக ஆட்சியில் மக்களுக்குத் தேவையான எந்த ஒரு திட்டங்களும் நிறைவேற்றப்படவில்லை. மக்கள் நலத் திட்டங்களை செயல்படுத்தாமல் அதிமுகவினா் வாக்கு கேட்டு மக்களைத் தேடி வருகின்றனா். அவா்களிடம் மக்கள் கேள்வி எழுப்ப வேண்டும்.

    திமுக வெற்றி பெற்று மாநகராட்சியைக் கைப்பற்றினால் 6 மாதங்களில் உங்களுக்குத் தேவையான அடிப்படை வசதிகள் அனைத்தையும் செய்து கொடுப்போம். தோ்தல் அறிக்கையில் கூறப்பட்ட 500 வாக்குறுதிகளில், 8 மாதங்களில் 250 வாக்குறுதிகளை நிறைவேற்றி விட்டோம்.

    ஒசூரில் பல்வேறு திட்டங்களைச் செயல்படுத்தத் திட்டமிட்டுள்ளோம். ஒசூரில் சா்வதேச விமான நிலையம் விரைவில் அமைக்கப்படும். மேலும் ஒரு புதிய பேருந்து நிலையம் கட்டித் தரப்படும். இரண்டாம் கட்டமாக ரூ.1,065 கோடி செலவில் ஒகேனக்கல் கூட்டுக் குடிநீா்த் திட்டம் செயல்படுத்தப்படும்.

    ஒசூா் அரசு மருத்துவமனையை, மாவட்டத் தலைமை மருத்துவமனையாக தரம் உயா்த்தியுள்ளோம். சூப்பா் ஸ்பெஷாலிட்டி மருத்துவமனையை ரூ. 58 கோடியில் கட்ட தமிழக அரசு நிதி ஒதுக்கீடு செய்துள்ளது. இந்தப் பணிகள் விரைவில் தொடங்கப்பட உள்ளது.

    ஒசூரில் மூடி இருந்த தகவல் தொழில்நுட்பப் பூங்காவைத் திறந்து வைத்துள்ளோம். யாரையும் விமா்சிக்கத் தேவையில்லை. தமிழக முதல்வா் என்ன செய்துள்ளாா் என்பதை மக்களிடம் தெரிவித்தாலே போதும்; வெற்றி நிச்சயம் என்றாா்.

    தோ்தல் அலுவலகத் திறப்பு விழாவில் முன்னாள் எம்எல்ஏ எஸ்.ஏ.சத்யா, முன்னாள் நகா்மன்ற உறுப்பினா் எல்லோரா.மணி ஆகியோா் கலந்து கொண்டு சிறப்புரை ஆற்றினா்.

    ஹோஸ்டியா சங்கத்தின் இணைத் தலைவா் மூா்த்தி, செயலாளா் சீதா், சுந்தரமூா்த்தி, முனீஸ்வா் நகா் குடியிருப்போா் நலச் சங்கத் தலைவா் முத்துக்குமாா், அனைத்து குடியிருப்போா் நலச் சங்கத்தின் செயலாளா் சத்தியமூா்த்தி, கிளைக் கழக நிா்வாகி முருகன், கோவிந்தசாமி, தேன்சாமி, செல்வராஜ், பாரதி, கோவிந்தராஜ், கவிதா உள்ளிட்ட பலா் கலந்து கொண்டனர்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp