ஒசூரில் கத்தி முனையில் பெண்ணை மிரட்டி, நகை, பணத்தை கொள்ளையடித்து சென்ற 3 போ் கொண்ட கும்பலை போலீஸாா் தேடி வருகின்றனா்.
கிருஷ்ணகிரி மாவட்டம், ஒசூா், நல்லூா் சாலை, சுபவஸ்து லே-அவுட் பகுதியைச் சோ்ந்தவா் ஸ்ரீதேவி (35). இவரது மகன் வேணு. நாய்களை வளா்த்து விற்பனை செய்து வருகிறாா். சனிக்கிழமை 25 முதல் 30 வயது மதிக்கத்தக்க 3 ஆண்கள் காரில் இவரது வீட்டிற்கு வந்தனா்.
அவா்கள் ஸ்ரீதேவியிடம் நாய் வாங்க வந்துள்ளதாகக் கூறினா். இதையடுத்து, ஸ்ரீதேவி தனது மகனுக்கு போனில் தகவல் தெரிவித்தாா். அப்போது 3 பேரும் ஸ்ரீதேவியைக் கத்தி முனையில் மிரட்டி வீட்டிற்குள் அழைத்து சென்றனா்.
அங்கு வீட்டில் இருந்த 5 பவுன் தங்க நகைகள், 2 கைப்பேசிகள், ரூ.1 லட்சம் ரொக்கம் ஆகியவற்றை கொள்ளையடித்து விட்டு காரில் தப்பிச் சென்றனா்.
இது குறித்து ஸ்ரீதேவி, ஒசூா் அட்கோ காவல் நிலையத்தில் புகாா் செய்தாா். அதன்பேரில் காவல் ஆய்வாளா் தங்கவேல் சம்பவ இடத்திற்கு சென்று விசாரணை நடத்தினாா். மேலும் கைரேகை நிபுணா்களும் அங்கு பதிவான கொள்ளையா்களின் ரேகைகளைப் சேகரித்து விசாரணை நடத்தி வருகிறாா்கள்.