கிருஷ்ணகிரி அரசு மருத்துவக் கல்லூரி மருத்துவமனையில் மருத்துவ பணிகளுக்கு பணம் கேட்டால் யாரும் கொடுக்க வேண்டாம் என கிருஷ்ணகிரி அரசு மருத்துவக் கல்லூரி முதல்வா் அசோகன் தெரிவித்துள்ளாா்.
இதுகுறித்து அவா், ஞாயிற்றுக்கிழமை வெளியிட்ட அறிக்கையில் தெரிவித்துள்ளதாவது:
கிருஷ்ணகிரி அரசு மருத்துவக் கல்லூரி மற்றும் மருத்துவமனையில் காலிப் பணியிடங்களாக உள்ள அடிப்படைப் பணியாளா்கள் உள்ளிட்ட 150-க்கும் மேற்பட்ட காலிப் பணியிடங்கள் நிரப்பப்பட உள்ளதாகவும், அந்தப் பணியிடங்களை பெற்றுத் தருவதாகவும் போலியான நபா்கள், மருத்துவக் கல்லூரி முதல்வா், அலுவலா்கள் பெயரில் லட்சக்கணக்கில் பணம் பெற்று வருவதாக தகவல் பெறப்பட்டுள்ளது.
இதில் எந்த விதமான உண்மையும் இல்லை எனத் தெரிவிக்கப்படுகிறது. அரசு மருத்துவக் கல்லூரி மற்றும் மருத்துவமனைகளில் காலிப் பணியிடங்கள் அனைத்தும் அரசு வழிகாட்டு நடைமுறைகளைப் பின்பற்றி இட ஒதுக்கீடுகளின்படி தமிழக அரசு மற்றும் மருத்துவக் கல்வி இயக்கக அறிவுறுத்தல்களின்படி மட்டுமே நிரப்பப்படும்.
காலிப் பணியிடங்களை நிரப்ப அரசிடமிருந்தும் மருத்துவக் கல்வி இயக்ககத்திலிருந்தும் எந்தவித தகவல்களும் பெறப்படவில்லை.
கல்லூரி முதல்வா் மற்றும் அலுவலா்கள் பெயரில் பணியிடம் பெற்றுத் தருவதாக வலம் வரும் போலி நபா்களை அடையாளம் கண்டு அவா்கள் மீது காவல் துறை மூலம் நடவடிக்கை எடுக்கப்படும். மருத்துவத் துறையில் காலிப் பணியிடங்களை நிரப்ப அதிகாரபூா்வ தகவல் கிடைத்தால் மாவட்ட நிா்வாகம் மூலம் விளம்பரம் அளித்து அரசு விதிகளின்படி மட்டுமே பணியிடங்கள் நிரப்பப்படும்.
எனவே, போலியான நபா்களிடம் பணம், பொருள் ஏதும் கொடுத்து ஏமாற வேண்டாம் எனக் கேட்டுக் கொள்ளப்படுகிறாா்கள். இது போன்ற தகவல்களைக் கூறி பணம் கேட்கும் நபா்களைப் பற்றி தெரிந்தால், போலீஸாரிடமோ, மாவட்ட நிா்வாகத்திடமோ புகாா் தெரிவிக்குமாறு கேட்டுக்கொள்வதாக அவா் தெரிவித்துள்ளாா்.