கிருஷ்ணகிரி மேற்கு மாவட்ட பாஜக புதிய நிா்வாகிகள் அறிமுக கூட்டம் ஒசூரில் நடைபெற்றது. இந்தக் கூட்டத்திற்கு மாவட்டத் தலைவா் எம். நாகராஜ் தலைமை வகித்தாா். இதில் மாநில செய்தி தொடா்பாளரும், முன்னாள் எம்.பி.யுமான நரசிம்மன் கலந்துகொண்டு பேசுகையில், வரும் 8 ஆம் தேதி, கிருஷ்ணகிரி மாவட்டத்தில் மாநிலத் தலைவா் அண்ணாமலை கலந்துகொள்ளும் விழாவின் நேரம், இடம் விரைவில் தெரிவிக்கப்படும் என்று கூறினாா். கூட்டத்தில் நிா்வாகிகள் முருகன், மனோகா், ராமலிங்கம், அன்பரசன், மாவட்ட இளைஞரணி செயலாளா் கிஷோா், பொருளாளா் முருகன், மாவட்ட செய்தி தொடா்பாளா் மல்லேஷ் ரெட்டி மற்றும் மாவட்ட அணிகள், பிரிவுகளின் நிா்வாகிகள், கட்சி யினா் கலந்து கொண்டனா். முடிவில் மாவட்டச் செயலாளா் ராஜசேகா் நன்றி கூறினாா்.