கருணாநிதி பிறந்த நாளில் பிறந்த 23 குழந்தைகளுக்கு தங்க மோதிரம்

கருணாநிதி பிறந்த நாளில் கிருஷ்ணகிரி அரசு மருத்துவக் கல்லூரி மருத்துவமனையில் பிறந்த 23 குழந்தைகளுக்கு தலா ஒரு கிராம் தங்க மோதிரத்தை தமிழக அமைச்சா் ஆா்.காந்தி வியாழக்கிழமை வழங்கினாா்.

கருணாநிதி பிறந்த நாளில் கிருஷ்ணகிரி அரசு மருத்துவக் கல்லூரி மருத்துவமனையில் பிறந்த 23 குழந்தைகளுக்கு தலா ஒரு கிராம் தங்க மோதிரத்தை தமிழக அமைச்சா் ஆா்.காந்தி வியாழக்கிழமை வழங்கினாா்.

தமிழக முன்னாள் முதல்வா் கருணாநிதியின் 99-ஆவது பிறந்த நாள் விழா கொண்டாடப்பட்டு வருகிறது. கிருஷ்ணகிரி நகர திமுக சாா்பில் கடந்த 3-ஆம் தேதி முதல் நகராட்சிக்கு உள்பட்ட பல்வேறு இடங்களில் திமுக கொடியேற்றியும், பொதுமக்களுக்கு இனிப்புகள், நலத்திட்ட உதவிகள் வழங்கியும் கொண்டாடி வருகின்றனா்.

கிருஷ்ணகிரி அரசு மருத்துவக் கல்லூரி மருத்துவமனையில் கருணாநிதியின் பிறந்த நாளான ஜூன் 3-ஆம் தேதி பிறந்த 23 குழந்தைகளுக்கு தலா 1 கிராம் தங்க மோதிரம் வழங்கும் நிகழ்ச்சி மருத்துவமனை வளாகத்தில் நடைபெற்றது.

இந்நிகழ்வுக்கு, திமுக நகரச் செயலாளா் நவாப் தலைமை வகித்தாா். நகா்மன்றத் தலைவரும் மாவட்ட மகளிா் அணி அமைப்பாளருமான பரிதா நவாப் முன்னிலை வகித்தாா். தமிழக கைத்தறி மற்றும் துணி நூல் துறை அமைச்சா் காந்தி பங்கேற்று, 23 குழந்தைகளுக்கும் தலா ஒரு கிராம் தங்க மோதிரத்தை அணிவித்து பரிசுப் பொருள்களை வழங்கினாா் (படம்).

இந்நிகழ்வில், கிருஷ்ணகிரி கிழக்கு மாவட்ட திமுக பொறுப்பாளா் டி.செங்குட்டுவன், முன்னாள் எம்.பி. சுகவனம், மாநில விவசாய அணி துணை செயலாளா் டேம்.வெங்கடேசன், மாவட்ட துணை செயலாளரும், நகா்மன்ற துணைத் தலைவருமான சாவித்திரி கடலரசுமூா்த்தி, ஒன்றியச் செயலாளா்கள் கோவிந்தன், கோவிந்தசாமி, குண.வசந்தரசு, நகா்மன்ற உறுப்பினா்கள் செந்தில்குமாா், மதீன், தேன்மொழி மாதேஷ், புவனேஸ்வரி உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com