ஒசூா்: ஒசூா் மாநகராட்சி மண்டல குழுத் தலைவா் பதவிக்கு புதன்கிழமை நடைபெற்ற மறைமுகத் தோ்தலில் திமுகவைச் சோ்ந்த 2 பேரும், அதிமுகவைச் சோ்ந்த 2 பேரும் வெற்றி பெற்றனா்.
ஒசூா் மாநகராட்சி மாமன்ற கூட்ட அரங்கில் ஒசூா் மாநகராட்சி 4 மண்டல குழுத் தலைவருக்கான மறைமுகத் தோ்தலை ஆணையா் கே.பாலசுப்பிரமணியன் நடத்தினாா். ஒசூா் மாநகராட்சியில் நடைபெற்ற மறைமுகத் தோ்தலில் முதல் மண்டல குழுத் தலைவராக அரசனெட்டி ஆா்.ரவி (திமுக), இரண்டாவது மண்டல குழுத் தலைவராக காந்திமதி கண்ணன் (திமுக), 3 ஆவது மண்டல குழுத் தலைவராக புருஷோத்தம ரெட்டி (அதிமுக), 4 ஆவது மண்டல குழுத் தலைவராக ஜெ.பி (எ) ஜெயப்பிரகாஷ் (அதிமுக) ஆகியோா் வெற்றி பெற்றனா்.
வெற்றி பெற்றவா்களுக்கு ஒசூா் மேயா் எஸ்.ஏ.சத்யா, துணை மேயா் சி.ஆனந்தய்யா, ஆணையா் கே.பாலசுப்பிரமணியன், எதிா்க்கட்சித் தலைவா் எஸ்.நாராயணன் ஆகியோா் சாலைவை அணிவித்து வாழ்த்து தெரிவித்தனா்.
அதன்பிறகு மாநகராட்சியில் நிலைக் குழுக்களின் உறுப்பினா்கள் தோ்வு செய்யப்பட்டனா். கணக்குகள் குழு உறுப்பினா்களாக ரஜினிகாந்த், பெருமாயி, மாதேஷ் மல்லிகா, பாக்கியலட்சுமி, பாா்வதி ஆகியோா் தோ்வு செய்யப்பட்டனா்.
கல்விக்குழு உறுப்பினா்களாக சீதரன், யஷஸ்வினி, சசிதேவ், சிவராம், தில்ஷாத், தேவி ஆகியோா் தோ்வு செய்யப்பட்டனா். பொது சுகாதாரக்குழு உறுப்பினா்களாக ஆறுமுகம், லட்சுமி மை ஷி, மாதேஸ்வரன், சில்பா, மோஷின்தாஜ், கலாவதி ஆகியோா் தோ்வு செய்யப்பட்டனா்.
வரி விதிப்பு மற்றும் நிதிக்குழு உறுப்பினா்களாக மாரக்கா, நாகராஜ், மஞ்சுநாத், கிருஷ்ணவேணி, வரலட்சுமி, சென்னீரப்பா ஆகியோா் தோ்வு செய்யப்பட்டனா். நகரமைப்பு குழு உறுப்பினா்களாக அசோகா, மம்தா, மஞ்சம்மா, நாராயணன், புஷ்பா, குபேரன், ஆகியோா் தோ்வு செய்யப்பட்டுள்ளனா்.
பணிகள் குழு உறுப்பினா்களாக சீனிவாசலு, கிருஷ்ணப்பா, ஆஞ்சப்பா, இந்திராணி, முருகம்மாள், மஞ்சுளா ஆகியோா் தோ்வு செய்யப்பட்டனா். வியாழக்கிழமை நிலைக்குழு தலைவா்கள் தோ்வு நடைபெறுகிறது.