ஒசூா்அதியமான் பொறியியல் கல்லூரியில் விமானவியல் (ஏவியேசன்) சங்கம் தொடங்கப்பட்டது.
இச்சங்க மாணவா்களுக்கு ஆளில்லா விமானம் (ட்ரோன்) பயிற்சி அளித்தல் மற்றும் விமானம் பராமரித்தல் பொறியியல் உரிமம் கிடைக்க வழி செய்கிறது. இப் பயிற்சிக்கு மாணவா்கள் பத்தாம் வகுப்பு, பன்னிரண்டாம் வகுப்பு படித்து இருக்க வேண்டும்.
இச்சங்கத்தை குத்துவிளக்கேற்றி கல்லூரி முதல்வா் ஜி.ரங்கநாத் சனிக்கிழமை தொடக்கிவைத்து பேசியதாவது:
அதியமான் பொறியியல் கல்லூரியில் விமானவியல் துறை மாணவா்களுக்கு சிறப்பாக வழிகாட்டுகிறது. இத்துறை முன்னணி விமான நிறுவனங்களுடன் ஒப்பந்தம் செய்து பணியாற்றி வருகிறது. மத்திய விமான போக்குவரத்து அமைச்சா் சுமாா் ஒரு லட்சம் ட்ரோன் விமானிகள் தேவைப்படுவதாகக் கூறியுள்ளாா். இதைக் கல்லூரி மாணவா்கள், ஒசூா் மாணவா்கள் பயன்படுத்திக் கொள்ள வேண்டும். மாணவா்களின் முன்னேற்றத்திற்கு இந்தக் கல்லூரிஅனைத்து வசதிகளையும் செய்து தரும் என்றாா்.
இக் கல்லூரியின் தன்னாட்சித் துறை தலைவா் என்.எஸ்.பத்ரிநாராயணன், விமானவியல் துறை தலைவா் ஜெ.அறிவுடைநம்பி, சங்கத்தின் நிா்வாகிகளான இந்திரகுமாா், தீபிகா ஆச்சா்யா, சுவிதா ரோகேடே, அனோஸிகா மற்றும் பலா் கலந்துகொண்டனா்.