ஊத்தங்கரை, ஸ்ரீ வித்யா மந்திா் கலை, அறிவியல் கல்லூரியில் 6-ஆவது பட்டமளிப்பு விழா, ஆண்டுவிழா மற்றும் ஆசிரியா் தின விழா ஆகிய முப்பெரும் விழா சனிக்கிழமை நடைபெற்றது.
விழாவுக்கு சிறப்பு விருந்தினா்களாக பெரியாா் பல்கலைக்கழகத் துணைவேந்தா் ஆா்.ஜெகநாதன், பெரியாா் பல்கலைக்கழக முன்னாள் துணைவேந்தா் கே. முத்துச்செழியன் ஆகியோா் கலந்துகொண்டு மாணவ, மாணவியா்களுக்குப் பட்டம் வழங்கி சிறப்புரையாற்றினா்.
ஸ்ரீ வித்யா மந்திா் கல்வி நிறுவனங்களின் நிறுவனா் வே. சந்திரசேகரன் சிறப்பு விருந்தினா்களை கௌரவித்தாா். கல்லூரி செயலாளா் மற்றும் அறக்கட்டளை உறுப்பினா்கள் கலந்துகொண்டு சிறப்பித்தனா். ஸ்ரீ வித்யா மந்திா் கலை, அறிவியல் கல்லூரி (தன்னாட்சி) முதல்வா் த.பாலசுப்பிரமணியன் பட்டமளிப்பு விழாவைத் தொடக்கிவைத்தாா்.
விழாவில் கல்லூரி துணை முதல்வா், துறைத் தலைவா்கள் பங்கேற்று தங்கள் துறை சாா்ந்த மாணவ, மாணவியா்களுக்குப் பட்டங்களை வழங்க முன்மொழிந்தனா். அனைத்துத் துறை சாா்ந்த இளங்கலை, முதுகலை மற்றும் ஆய்வியல் மாணவ, மாணவியா்கள் 3,500-க்கும் மேற்பட்டோருக்குப் பட்டங்கள் வழங்கப்பட்டன.
இதில் பெரியாா் பல்கலைக்கழக அளவில் 13 மாணவா்கள் தங்கப் பதக்கம் பெற்றுள்ளனா். தரவரிசை பட்டியலில் நூற்றுக்கும் மேற்பட்ட மாணவா்கள் இடம்பெற்றுள்ளதைச் சிறப்பு விருந்தினா் பாராட்டினா். கல்லூரி ஆண்டு விழா, ஆசிரியா் தின விழா வெகு சிறப்பாகக் கொண்டாடப்பட்டது.
ஆசிரியா் தினத்தை முன்னிட்டு ஸ்ரீ வித்யா மந்திா் பள்ளி மற்றும் கல்லூரியின் சிறந்த ஆசிரியா்களுக்கு நல்லாசிரியா் விருது வழங்கப்பட்டது. அரசு பள்ளியில் பத்தாம் வகுப்பு மற்றும் பன்னிரண்டாம் வகுப்புப் படித்து, பள்ளி அளவில் முதலிடம் பெற்ற மாணவ, மாணவியா்களுக்குப் பரிசுத் தொகை வழங்கப்பட்டது. கல்லூரியில் நடைபெற்ற பாட்டுப் போட்டி, பேச்சுப் போட்டிகளில் வெற்றி பெற்ற மாணவா்களுக்கும், பேராசிரியா்களுக்கும் பரிசுகள் வழங்கப்பட்டன.