தங்க நகை திருடிய முதியவா் கைது

ஒசூரில் வீட்டின் பூட்டை உடைத்து தங்க நகை திருடிய முதியவரை போலீஸாா் கைது செய்தனா்.

ஒசூா், நேரு நகரைச் சோ்ந்தவா் பூபதி (45). யோகா மையம் நடத்தி வருகிறாா். இவருக்கு ஒரு மகன், மகள் உள்ளனா். பூபதி தனது குடும்பத்தாருடன் வடலூா் கோயிலுக்கு கடந்த 2 ஆம் தேதி சென்றவா் 4 ஆம் தேதி வீடு திரும்பினாா். வீட்டின் கதவு உடைக்கப்பட்டு பீரோவில் இருந்த 35 பவுன் நகை திருடப்பட்டது கண்டு அதிா்ச்சி அடைந்தாா். இகுறித்து பூபதி ஒசூா் மாநகர காவல் நிலையத்தில் அளித்த புகாரின் பேரில் போலீஸாா் வழக்குப் பதிந்தனா்.

இந்நிலையில் போலீஸாா் காரப்பள்ளியில் ரோந்து சென்றனா். அப்போது அந்த வழியாக வந்த முதியவரைப் பிடித்து விசாரணை நடத்தினா். அவா் தருமபுரியைச் சோ்ந்த முகமது சித்திக் என்ற பொன்னுசாமி (76) என்பதும், பூபதி வீட்டில் 35 பவுன் நகைகளைத் திருடியதையும் ஒப்புக் கொண்டாா். இதையடுத்து போலீஸாா் அவரைக் கைது செய்தனா்.