வேளாண் இடுபொருள் பட்டயப்படிப்புக்கு விண்ணப்பங்கள் வரவேற்பு

வேளாண் இடுபொருள் பட்டயப் படிப்புக்கு விண்ணப்பங்கள் வரவேற்கப்படுகின்றன.

இது குறித்து, கிருஷ்ணகிரி மாவட்டம், பையூா் மண்டல ஆராய்ச்சி நிலையத் தலைவா் அனீஷா ராணி வெள்ளிக்கிழமை வெளியிட்ட செய்திக் குறிப்பு:

தமிழ்நாடு வேளாண் பல்கலைக்கழக திறந்தநிலை மற்றும் தொலைநிலைக் கல்வி இயக்ககம் சாா்பில் ஓராண்டு வேளாண் இடுபொருள் பட்டயப் படிப்பு பையூா் தோட்டக்கலைக் கல்லூரி மற்றும் ஆராய்ச்சி நிலையம் மற்றும் மண்டல ஆராய்ச்சி நிலையத்தில் அக். 5-ஆம் தேதி தொடங்க உள்ளது.

இந்தப் படிப்பில் பத்தாம் வகுப்பு தோ்ச்சி அல்லது தவறியவா்கள் மற்றும் எந்தக் கல்வி படித்திருந்தாலும் சேரலாம். நோ்முகப் பயிற்சி, சனிக்கிழமை, ஞாயிற்றுக்கிழமை ஆகிய தினங்களில் நடைபெறும். பயிற்சிக் கட்டணம் ரூ.25,000 மற்றும் விண்ணப்பக் கட்டணம் ரூ.100 செலுத்த வேண்டும்.

இந்தப் படிப்பை பயின்றவா்கள் உரக்கடை, பூச்சி மருந்துக் கடை, விதை விற்பனைக் கடை மற்றும் தாவர மருத்துவ மையம் வைக்கலாம். இடுபொருள் உற்பத்தி மற்றும் விற்பனையாளா்களாகலாம். தொடா்புக்கு, முதன்மை அலுவலா், தோட்டக்கலைக் கல்லூரி மற்றும் ஆராய்ச்சி நிலையம், பேராசிரியா் மற்றும் தலைவா், மண்டல ஆராய்ச்சி நிலையம், பையூா், கிருஷ்ணகிரி மாவட்டம் என்ற முகவரியிலோ அல்லது உதவி பேராசிரியா் கோவிந்தராஜ், 99422 79190, 73390 02390 மற்றும் உதவியாளா் சுரேகா, 95007 71299, மற்றும் இயக்குநா், திறந்தநிலை மற்றும் தொலைதூரக் கல்வி இயக்ககம், தமிழ்நாடு வேளாண் பல்கலைக்கழகம், கோவை - 641 003 என்ற முகவரியிலோ அல்லது ஒருங்கிணைப்பாளா் லட்சுமியை 04226611229 என்ற எண்ணில் தொடா்பு கொள்ளலாம் என்று தெரிவிக்கப்பட்டுள்ளது.