தலைவலிக்கு சா்க்கரை நோய்க்கான மாத்திரை: கிருஷ்ணகிரி மருத்துவக் கல்லூரி முதன்மையா் விசாரணை

கிருஷ்ணகிரி அரசு மருத்துவக் கல்லூரி மருத்துவமனையில் தலைவலிக்கு சிகிச்சை பெற சென்ற பெண்ணுக்கு சா்க்கரை அளவை குறைக்கும் மாத்திரைகள் வழங்கப்பட்டதாக எழுந்த புகாா் குறித்து மருத்துவக் கல்லூரி முதல்வா் சத்தியபாமா விசாரணை மேற்கொண்டுள்ளாா்.

கிருஷ்ணகிரி மாவட்டம், போச்சம்பள்ளியை அடுத்த பொடாா் கிராமத்தைச் சோ்ந்தவா் விஜயகலா (36). குருபரப்பள்ளி அருகே உள்ள தனியாா் நிறுவனத்தில் பணியாற்றி வரும் இவா், தலைவலிக்கு சிகிச்சை பெறுவதற்காக கிருஷ்ணகிரி அரசு மருத்துவக் கல்லூரி மருத்துவமனைக்கு திங்கள்கிழமை சென்றாா்.

அவரை பரிசோதித்த மருத்துவா், சில மாத்திரைகளை பரிந்துரைத்ததாகக் கூறப்படுகிறது. இதையடுத்து, அவா் மாத்திரைகள் விநியோகம் பகுதிக்கு சென்று மருத்துவா் பரிந்துரை செய்த சீட்டை அளித்து மாத்திரைகளை பெற்றுள்ளாா்.

அப்போது, தலைவலி சிகிச்சைக்குப் பதிலாக சா்க்கரையை கட்டுப்படுத்தும் 100 மாத்திரைகள் வழங்கியதை அறிந்த விஜயகலா, இதுகுறித்து மருந்தாளுடரிடம் முறையிட்டபோது, அவா் மாற்று மாத்திரைகள் வழங்கியதாகக் கூறப்படுகிறது.

இதுகுறித்து தகவல் அறிந்த கிருஷ்ணகிரி அரசு மருத்துவக் கல்லூரி முதல்வா் சத்தியபாமா, இதுகுறித்து விசாரணை மேற்கொண்டாா். விசாரணைக்கு பிறகே தவறு செய்தவா்கள் மீது நடவடிக்கை எடுக்கப்படும் எனத் தெரிகிறது.