Enable Javscript for better performance
குடிநீர் கோரி ஊராட்சி அலுவலகம் முற்றுகை- Dinamani

சுடச்சுட

    

    ராசிபுரத்தை அடுத்துள்ள கட்டனாச்சம்பட்டியில் கடந்த 45 நாள்களாக குடிநீர் வழங்கப்படாததைக் கண்டித்து பெண்கள் காலி குடங்களுடன் ஊராட்சி அலுவலகத்தை முற்றுகையிட்டு திங்கள்கிழமை போராட்டத்தில் ஈடுபட்டனர்.
     ராசிபுரத்தை அடுத்துள்ளது கட்டனாச்சம்பட்டி. இங்கு, சுமார் 500-க்கும் மேற்பட்ட குடும்பத்தினர் வசித்து வருகின்றனர். இப் பகுதியில் கடந்த 45 நாள்களுக்கும் மேலாக குடிநீர் விநியோகம் செய்யப்படவில்லை எனக் கூறப்படுகிறது.
     இதுகுறித்து, இப்பகுதி மக்கள் பலமுறை மாவட்ட ஆட்சியர் அலுவலகம், கட்டனாச்சம்பட்டி ஊராட்சி அலுவலர்களிடம் புகார் தெரிவித்தார்களாம்.
     ஆனால் இதுவரை எந்த ஒரு நடவடிக்கையும் எடுக்கப்படவில்லை என புகார் கூறுகின்றனர். இதைக் கண்டித்து அப்பகுதி மக்கள் சுமார் 50-க்கும் மேற்பட்டோர் காலி குடங்களுடன் ஊராட்சி அலுவலகத்தை முற்றுகையிட்டுப் போராட்டத்தில் ஈடுபட்டனர்.
     பின்னர் அங்கு ஊராட்சி அலுவலர்கள் உரிய நடவடிக்கை எடுப்பதாக உறுதி அளித்தையடுத்து பொதுமக்கள் போராட்டத்தை கைவிட்டனர்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai