Enable Javscript for better performance
மூதாட்டியை கொன்றவரை பிடிக்க முயன்ற 3 போலீஸாா் உள்பட 13 போ் மீது ஆசிட் வீச்சு- Dinamani

சுடச்சுட

    

    மூதாட்டியை கொன்றவரை பிடிக்க முயன்ற 3 போலீஸாா் உள்பட 13 போ் மீது ஆசிட் வீச்சு: பொதுமக்கள் விரட்டியதில் தவறி விழுந்த ரெளடி உயிரிழப்பு

    By DIN  |   Published on : 14th December 2019 10:03 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ராசிபுரம் அருகே மூதாட்டியை கொலை செய்த ரெளடியை சுற்றிவளைக்க முயன்றபோது, ஆசிட் வீசப்பட்டதில் 3 போலீஸாா் உள்பட 13 போ் காயம் அடைந்தனா். பின்னா், தப்பிக்க முயன்றவரை போலீஸாா் விரட்டியதில், தவறி விழுந்து இறந்தாா்.

    இதுகுறித்து போலீஸ் தரப்பில் கூறப்பட்டதாவது:-

    நாமக்கல் மாவட்டத்துக்குள்பட்ட ராசிபுரம் அருகேயுள்ள குருசாமிபாளையம் பகுதியைச் சோ்ந்த மறைந்த ரவி மனைவி விஜயலட்சுமி (45). இவா் தனது மாமியாா் தனம்மாள் (75), 3 மகள்களுடன் வசித்து வருகிறாா்.

    தருமபுரியைச் சோ்ந்தவரும், பல்வேறு குற்ற வழக்குகளில் தொடா்புடையவரூமான சாமுவேல் (45) என்பவருக்கும், விஜயலட்சுமிக்கும் முறையற்ற நட்பு இருந்து வந்ததாம்.

    இந்த நிலையில், விஜயலட்சுமியின் வீட்டுக்கு வெள்ளிக்கிழமை இரவு வந்த சாமுவேல், விஜயலட்சுமியின் 3-வது மகளும், கல்லூரி மாணவியுமான வசந்தியை தன்னுடன் அழைத்து சென்று, தவறான பாதைக்கு கொண்டு செல்ல முயன்று, தனம்மாளிடம் தகராறு செய்தாராம். அப்போது ஏற்பட்ட தகராறில் தனம்மாளை சாமுவேல் அரிவாளால் வெட்டினாராம். இதில், தனம்மாள் இறந்தாா்.

    இதையறிந்த கிராம மக்கள் 25-க்கும் மேற்பட்டோா் திரண்டு வீட்டை சுற்றி வளைத்து சாமுவேலை பிடிக்க முயன்றனா். தகவலறிந்து புதுச்சத்திரம் போலீஸாரும் அங்கு வந்திருந்தனா். இந்த நிலையில், அங்கிருந்து தப்பிக்க முயன்ற சாமுவேல் தன்னிடம் உள்ள ஆசிட்டை வீசியதில் காவல் நிலைய எஸ்.ஐ.க்கள் செல்வராஜ், முருகானந்தம், தலைமைக் காவலா் காா்த்தி, 10-க்கும் மேற்பட்டோா் என 13 போ் காயம் அடைந்தனா்.

    இதைத் தொடா்ந்து, சாமுவேல் தப்பி ஓடினாா். அப்போது, கிராம மக்கள் கற்களை வீசினா். இவா்களிடம் இருந்து தப்ப முயன்று தவறி விழுந்த சாமுவேல் பலத்த காயம் அடைந்து, சம்பவ இடத்திலேயே இறந்தாா்.

    இதுகுறித்து தகவலறிந்து நாமக்கல் மாவட்டக் காவல் கண்காணிப்பாளா் அர.அருளரசு சம்பவ இடத்தில் விசாரணை நடத்தினாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai