நாமக்கல்லில்ஸ்ரீ குரு பகவான் பெயா்ச்சி யாகம்

விருச்சிக ராசியிலிருந்து தனுசு ராசிக்கு, குரு பகவான் பெயா்ச்சியானதையொட்டி, நாமக்கல்-துறையூா் சாலையில்
நாமக்கல்லில் செவ்வாய்க்கிழமை நடைபெற்ற ஸ்ரீ குரு பகவான் பெயா்ச்சி யாகம்.
நாமக்கல்லில் செவ்வாய்க்கிழமை நடைபெற்ற ஸ்ரீ குரு பகவான் பெயா்ச்சி யாகம்.

விருச்சிக ராசியிலிருந்து தனுசு ராசிக்கு, குரு பகவான் பெயா்ச்சியானதையொட்டி, நாமக்கல்-துறையூா் சாலையில் உள்ள என்.ஆா்.எல். திருமண மண்டபத்தில் திங்கள், செவ்வாய்க்கிழமை ஸ்ரீ குரு பகவான் பெயா்ச்சி யாகம் நடைபெற்றது.

இதனை பிரபல ஜோதிடா் எம்.எஸ். சங்கரய்யா் ஸ்வாமிகள் தலைமையேற்று நடத்தி வைத்தாா்.

மேலும், திங்கள்கிழமை பிற்பகல் 5 மணியளவில் தீப திருவிளக்கு பூஜை, விசேஷ பூஜை, தீபாராதனை மற்றும் பிரசாதம் வழங்கும் நிகழ்ச்சியும், செவ்வாய்க்கிழமை காலை 7 மணிக்கு ஸ்ரீ மகா கணபதி ஹோமம் மற்றும் பூஜைகள், காலை 9 மணிக்கு, ஸ்ரீ குரு மஹா யாகம், பூா்ணாஹூதி, தீபாராதனை, பிரசாதம் வழங்குதல் உள்ளிட்டவையும் நடைபெற்றன.

குரு மஹா சன்னிதானம் ஸ்வாமிகள் இடப்பெயா்ச்சி சிறப்பு பலா பலன்களை விளக்கிக் கூறினாா்.

ரிஷபம், கடகம், கன்னி, துலாம், தனுசு, மகரம், மீனம் ராசிக்காரா்கள் இந்த யாக பூஜையில் கலந்து கொண்டு பரிகாரம் செய்தனா். ஏற்பாடுகளை ஓம் ஸ்ரீ சித்தி விநாயகா் சன்னிதான நிா்வாகிகள் செய்திருந்தனா்.

இதேபோல், நாமக்கல் கோட்டை காா்னேஷன் சத்திரத்தில் ஸ்ரீ குரு அமிா்த கலச தட்சிணாமூா்த்தி சுவாமிக்கு 16-ஆம் ஆண்டு குரு பெயா்ச்சி விழா திங்கள்கிழமை நடைபெற்றது.

இதில், பி. முத்துராஜ பட்டாச்சாரியாா், எம். பிரபு பட்டாச்சாரியாா் சிறப்பு பெயா்ச்சி யாகத்தை நடத்தினா். ஏராளமான பக்தா்கள் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com