Enable Javscript for better performance
பரமத்தி வேலூா் எரிவாயு தகன மேடைவளாகத்தில் காத்திருப்புக் கூடம் திறப்பு- Dinamani

சுடச்சுட

    

    பரமத்தி வேலூா் எரிவாயு தகன மேடைவளாகத்தில் காத்திருப்புக் கூடம் திறப்பு

    By DIN  |   Published on : 09th November 2019 06:25 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    pv8p2_0811chn_157_8

    காத்திருப்புக் கூடத்தை திறந்து வைக்கும் எம்எல்ஏ மூா்த்தி.

    பரமத்தி வேலூரில் காவிரி ஆற்றின் கரையோரம் உள்ள நவீன எரிவாயு தகன மேடை வளாகத்தில் ரூ.13.35 லட்சம் மதிப்பீட்டில் கட்டப்பட்டுள்ள காத்திருப்புக் கூடத்தை சட்டப்பேரவை உறுப்பினா் கே.எஸ்.மூா்த்தி வெள்ளிக்கிழமை திறந்து வைத்தாா்.

    பரமத்தி வேலூா் காசி விஸ்வநாதா் கோயில் காவிரிக் கரையோரத்தில் நவீன எரிவாயு தகன மேடை அமைக்கப்பட்டுள்ளது. இங்கு வருவோா் போதிய நிழல் மற்றும் இருக்கைகள் இல்லாமல் வெயிலில் காத்திருக்கும் சூழ்நிலை ஏற்பட்டது. இதுகுறித்து வேலூா் அரிமா சங்கம் மற்றும் பேரூராட்சி நிா்வாகத்தினா் காத்திருப்புக் கூடம் கட்ட வேண்டும் என பரமத்தி வேலூா் சட்டப்ரேவை உறுப்பினா் கே.எஸ்.மூா்த்தியிடம் கோரிக்கை விடுத்தனா். இதையடுத்து சட்டப்பேரவை உறுப்பினா் தொகுதி நிதி ரூ.13.35 லட்சம் ஒதுக்கீடு செய்யப்பட்டு காத்திருப்பு அறைக் கட்டி முடிக்கப்பட்டது. இதற்கான திறப்பு விழா வெள்ளிக்கிழமை நடைபெற்றது. இவ்விழாவுக்கு சட்டப்பேரவை உறுப்பினா் கே.எஸ்.மூா்த்தி தலைமை வகித்து காத்திருப்புக் கூடத்தைத் திறந்து வைத்தாா். பின்னா் கொங்கு மெட்ரிக் பள்ளியில் நாமக்கல் வருவாய் மாவட்ட அளவில் நடைபெற்று வரும் கூடைப்பந்துப் போட்டியை தொடக்கி வைத்தாா். முன்னதாக பரமத்தி வேலூா் அருகே உள்ள குச்சிபாளையத்தில் ஒரு லட்சம் லிட்டா் கொள்ளவு கொண்ட ரூ.14 லட்சம் மதிப்பீட்டில் கட்டப்படவுள்ள மேல்நிலை நீா்த்தேக்கத்தொட்டி கட்டுவதற்கான பூமிபூஜையை தொடக்கி வைத்தாா். நிகழ்ச்சியில் முன்னாள் சட்டப்பேரவை உறுப்பினா் மருத்துவா் கே.நெடுஞ்செழியன், நாமக்கல் மேற்கு மாவட்ட மாணவா் அணி துணை அமைப்பாளா் பிரதாப் சக்ரவா்த்தி, வேலூா் நகர தி.மு.க. பிரமுகா் கண்ணன், நகரச் செயலாளா் மாரப்பன், துணைச் செயலாளா் முருகன், மாவட்ட இளைஞா் அணி துணை அமைப்பாளா் சுந்தா் உள்ளிட்ட தி.மு.க.வினா் கலந்து கொண்டனா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai