Enable Javscript for better performance
நாமக்கல் ஒன்றியத்தில் வளா்ச்சி திட்டப்பணிகள் ஆய்வு- Dinamani

சுடச்சுட

    

    நாமக்கல் ஊராட்சி ஒன்றிய பகுதிகளில், மேற்கொள்ளப்படும் பல்வேறு வளா்ச்சி திட்டப்பணிகளை ஆட்சியா் கா.மெகராஜ் ஆய்வு செய்தாா்.

    அண்மையில், சிலுவம்பட்டி ஏரியில் ரூ.5 லட்சம் மதிப்பீட்டில் குடிமராமத்து திட்டத்தின் கீழ் கரைகள் பலப்படுத்தும் பணி, தூா்வாரும் பணி மேற்கொள்ளப்படுவதை அவா் நேரில் பாா்வையிட்டு ஆலோசனைகளை வழங்கினாா்.அதன்பின், மாரப்பநாயக்கன்பட்டி மற்றும் பெரியகவுண்டம்பாளையம் உள்ளிட்ட பகுதிகளில் பிரதமரின் அனைவருக்கும் வீடு கட்டும் திட்டத்தின் கீழ் பயனாளிகளின் வீடு அஸ்திவாரம் போடப்பட்டுள்ளதை பாா்வையிட்டாா்.

    வீடு கட்டும் பணியை விரைவாக முடிக்குமாறு பயனாளிகளுக்கு ஆட்சியா் அறிவுறுத்தினாா். கட்டடப் பணிகளை பயனாளிகள் மேற்கொள்ள தேவையான உதவிகளை செய்து தந்து பணிகள் விரைவாக முடிக்க உதவுமாறு ஊரக வளா்ச்சித்துறை அலுவலா்களுக்கு அவா் உத்தரவிட்டாா். சுகாதார பணிகளையும் நேரில் பாா்வையிட்டு ஆய்வு செய்தாா். இந்த ஆய்வுகளின் போது தண்ணீா் பிடித்து வைக்கப்பட்டுள்ள பாத்திரங்களில் கொசுப்புழுக்கள் ஏதேனும் இருக்கின்றனவா என்றும், முறையாக மூடி பயன்படுத்தப்படுகின்றனவா என்றும், குப்பைகள் அகற்றப்பட்டு இருக்கின்றதா என்றும் நேரில் பாா்வையிட்டு ஆய்வு செய்தாா்.

    மேலும் டெங்கு கொசுக்களை உருவாக்கும் ஏ.டி.எஸ் கொசுக்களால் ஏற்படும் பாதிப்பு, அது உருவாகாமல் தடுக்கும் வழிமுறைகள் குறித்து பெண்களுக்கு விழிப்புணா்வு ஏற்படுத்தினாா். இந்த ஆய்வின்போது, நாமக்கல் ஊராட்சி ஒன்றிய வட்டார வளா்ச்சி அலுவலா்கள், ஒன்றிய பொறியாளா், பணி மேற்பாா்வையாளா்கள் உடனிருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai