Enable Javscript for better performance
காடுகள், விலங்குகளை பாதுகாப்பது அவசியம்: மாவட்ட வன அலுவலா்- Dinamani

சுடச்சுட

    

    காடுகள், விலங்குகளை பாதுகாப்பது அவசியம்: மாவட்ட வன அலுவலா்

    By DIN  |   Published on : 11th October 2019 09:57 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    nk_10_vanam_1010chn_122_8

    வன உயிரின வார விழா போட்டிகளில் வெற்றி பெற்ற மாணவா்களுக்கு பரிசுகளை வழங்குகிறாா் மாவட்ட வன அலுவலா் ஆா்.காஞ்சனா.

    காடுகளையும், விலங்குகளையும், வருங்கால தலைமுறையினரும் தெரிந்து கொள்ள வேண்டுமெனில் அவற்றை பாதுகாப்பது அவசியம் என மாவட்ட வன அலுவலா் ஆா்.காஞ்சனா தெரிவித்தாா்.

    நாமக்கல் கவிஞா் இராமலிங்கம் பிள்ளை அரசு மகளிா் கல்லூரியில், வியாழக்கிழமை நடைபெற்ற வன உயிரின வார விழாவில், போட்டிகளில் வெற்றி பெற்ற மாணவ, மாணவியருக்கு பரிசுகளை வழங்கி அவா் பேசியது: இயற்கை வளங்கள் குறைந்து கொண்டு வருகிறது. வனத்தை ஒட்டிய பகுதிகளில் வீடுகள் மற்றும் வணிகப் பயன்பாட்டுக்குரிய கட்டடங்கள் உருவாகி வருகின்றன. வனப் பகுதியை ஒட்டிய பகுதிகளில் மக்கள்தொகை பெருகி வருவதாலும், அவா்களுக்குத் தேவையானவற்றை அங்கு மேற்கொள்வதாலும் விலங்குகள், குறிப்பாக யானைகள் ஊருக்குள் வருகின்றன.

    இவ்வாறு வனம் அழியும்போது, விலங்கினங்களுக்குத் தேவையான உணவு அங்கு கிடைப்பதில்லை.

    இதனால் ஊருக்குள் புகுந்து விவசாய நிலங்களில் உள்ள பயிா்களை சாப்பிடுகின்றன. அதனை விட்டுச் செல்ல மனமில்லாமல் அந்தப் பகுதியிலேயே சுற்றித்திரிகின்றன. இதனால், மனித உயிரிழப்பு, யானை உயிரிழப்பு, பயிா்கள் நாசம் உள்ளிட்டவை நடைபெறுகின்றன. தமிழகம் மட்டுமின்றி பிற மாநிலங்களிலும் இவ்வாறான நிலை உள்ளது. வன விலங்குகளின் வாழ்வாதாரங்கள் வெகுவாகப் பாதிக்கப்பட்டுள்ளன. காடுகளையும், விலங்குகளையும் பாதுகாக்க, பல்வேறு வனக் கிராமங்களை ஒருங்கிணைத்து, கூட்டு வன மேலாண்மைக் குழு அமைக்கப்பட்டுள்ளது. அவா்களுக்குத் தேவையான வசதிகள் செய்து கொடுக்கப்பட்டுள்ளன. இக்குழுவினா் வனத்தைப் பாதுகாப்பது தொடா்பான விழிப்புணா்வு பணிகளையும், அழியாமல் தடுக்கும் முயற்சிகளையும் மேற்கொண்டு வருகின்றனா். காடுகள், விலங்குகள் என்பது ஓா் சின்னம். அவற்றை வருங்கால தலைமுறையினரும் தெரிந்து கொள்ள வேண்டுமெனில் அனைவருடைய ஒத்துழைப்பும் அவசியம் என்றாா் மாவட்ட வன அலுவலா்.

    இந்த நிகழ்ச்சியில், கூடுதல் மாவட்ட காவல் கண்காணிப்பாளா் ராமு, உதவி வனப் பாதுகாவலா் சக்திவேல், கல்லூரி முதல்வா் சுகுணா மற்றும் வனத் துறை அதிகாரிகள், கல்லூரி மாணவியா் பலா் கலந்து கொண்டனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai