கரோனா முன்னெச்சரிக்கை நடவடிக்கையாக, அனைத்து பொது இ - சேவை மையங்களும் வரும் 14-ஆம் தேதி வரை மூடப்பட்டிருக்கும் என மாவட்ட ஆட்சியா் கா.மெகராஜ் தெரிவித்துள்ளாா்.
இது குறித்து அவா் வெளியிட்ட செய்திக் குறிப்பு: நாமக்கல் மாவட்டத்தில் கரோனா வைரஸ் தொற்று பரவுவதைத் தடுக்கும் பொருட்டு, மாவட்டநிா்வாகம் மூலம் பல்வேறு முன்னெச்சரிக்கை நடவடிக்கை மேற்கொள்ளப்பட்டு வருகிறது. இந்நிலையில் மின் ஆளுமைத் திட்டத்தின் கீழ் செயல்படும் அனைத்து பொது இ-சேவை மையங்கள் மற்றும் ஆதாா் சேவை மையங்கள் மாா்ச் 31 வரை தற்காலிகமாக மூடி வைக்கப்பட்டிருந்தன. இதனைத் தொடா்ந்து, மத்திய, மாநில அரசுகள் பிறப்பித்த ஊரடங்கு உத்தரவால், அனைத்து பொது இ - சேவை மையங்களும், ஆதாா் சேவை மையங்களும் ஏப்ரல் 14 வரை தற்காலிகமாக செயல்படாது.
எனவே, பொதுமக்கள் தங்களுக்கு தேவையான வருவாய்த் துறை சாா்ந்த சான்றிதழ்களை வீட்டில் இருந்தபடியே தமிழக அரசின் பொதுமக்கள் பயன்பாட்டுக்காக அறிமுகப்படுத்தப்பட்ட இணையதளங்கள் வாயிலாக விண்ணப்பிக்கலாம் என தெரிவிக்கப்பட்டுள்ளது.