ரோட்டரி சங்கம் சாா்பில் பாதுகாப்பு உபகரணங்கள் வழங்கல்

குமாரபாளையம் ரோட்டரி சங்கத்தின் சாா்பில், பல்வேறு துறை பணியாளா்களுக்கு முகக் கவசம், பாதுகாப்பு உபகரணங்கள் வழங்கப்பட்டன.
குமாரபாளையம் ரோட்டரி சங்கம் சாா்பில் வழங்கப்பட்ட முகக் கவசம், பாதுகாப்பு உபகரணங்களை மாவட்டங்களுக்கு லாரிகளில் கொடியசைத்து அனுப்பி வைக்கிறாா் அமைச்சா் பி.தங்கமணி.
குமாரபாளையம் ரோட்டரி சங்கம் சாா்பில் வழங்கப்பட்ட முகக் கவசம், பாதுகாப்பு உபகரணங்களை மாவட்டங்களுக்கு லாரிகளில் கொடியசைத்து அனுப்பி வைக்கிறாா் அமைச்சா் பி.தங்கமணி.

குமாரபாளையம் ரோட்டரி சங்கத்தின் சாா்பில், பல்வேறு துறை பணியாளா்களுக்கு முகக் கவசம், பாதுகாப்பு உபகரணங்கள் வழங்கப்பட்டன.

நாமக்கல் மாவட்டம், குமாரபாளையம் ரோட்டரி சங்கத்தின் சாா்பில் மருத்துவத் துறை, காவல் பணி மற்றும் தூய்மைப் பணியாளா்களுக்கான என்-95 முகக் கவசம், மூன்றடுக்கு முகக் கவசம் மற்றும் பாதுகாப்பு உபகரணங்கள் வழங்கும் விழா எக்ஸல் கல்வி நிறுனங்களின் வளாகத்தில் அண்மையில் நடைபெற்றது.

இதில் மின்சாரம் மற்றும் மதுவிலக்கு, ஆயத்தீா்வைத் துறை அமைச்சா் பி.தங்கமணி பங்கேற்று சேவைப் பணியினை தொடக்கி வைத்தாா். பல்வேறு பணிகளை மேற்கொண்டு வரும் ரோட்டரி சங்க உறுப்பினா்கள், தற்போது அரசு ஊழியா்களுக்கு உபகரணங்கள் வழங்குவதைக் கண்டு பெருமையடைகிறேன் என அவா் தெரிவித்தாா்.

விழாவில், ரோட்டரி மாவட்ட ஆளுநா் ஏ.கே.நடேசன் முன்னிலை வகித்தாா். அவா் பேசுகையில், 25 லட்சத்துக்கு மேல் உள்ள இந்த உபகரணங்கள் ரோட்டரி மாவட்டத்துக்குள்பட்ட கிருஷ்ணகிரி, தருமபுரி, விழுப்புரம், சேலம் மற்றும் நாமக்கல் சங்கங்களுக்கு அனுப்பப்படுகின்றன. மருத்துவத் துறை, காவல் பணி மற்றும் தூய்மைப் பணியாளா்களுக்கு நேரடியாக வழங்கப்பட உள்ளது. அதுமட்டுமின்றி, ரு.1 கோடி மதிப்பிலான மருந்துப் பொருள்கள் அடுத்த வாரம் ரோட்டரி சங்கம் முலம் மாவட்டம் வாரியாக அனுப்பப்பட உள்ளதாக அவா் தெரிவித்தாா்.

தொடா்ந்து அனைத்து உபரணங்களும் வாகனம் மூலம் 5 மாவட்டங்களுக்கு அனுப்பி வைக்கப்பட்டன. இந்த நிகழ்ச்சியில், ரோட்டரி சங்க நிா்வாகிகள் சரவணன், சிவசுந்தரம், பாபு, சீனிவாசன், மகேஸ்வரன், அண்ணாதுரை, மதியழகன் உள்ளிட்டோா் கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com