மாமனாா் வெட்டிக் கொலை: மருமகன் சரண்

மாமனாரை அரிவாளால் வெட்டிக் கொலை செய்யப்பட்டது தொடா்பாக, அவரது மருமகன் காவல் நிலையத்தில் சரண் அடைந்தாா்.

திருச்செங்கோடு அருகேயுள்ள மோடமங்கலம் கிராமம் அருந்ததியா் தெருவை சோ்ந்த தொழிலாளி ராஜாமணி (73). இவருக்கு பொன்னாயி, பாப்பாத்தி என்ற இரு மனைவிகள் உள்ளனா். ராஜாமணிக்கு பொன்னாயி வழியாக பழனியம்மாள் என்ற மகளும், பாப்பாயி வழியாக சாந்தி, சுலோசனா என்ற 2 மகள்களும் உள்ளனா்.

இந்த நிலையில், சுலோசனாவுக்கும், அவரது கணவா் நல்லமுத்துவுக்கும் குடும்பத் தகராறு இருந்து வந்ததாம். மேலும், தனக்கு ராஜாமணி முன்னுரிமை அளிப்பதில்லை என்ற மனக்குமுறலும் நல்லமுத்துவுக்கு இருந்ததாம்.

இந்தச் சூழ்நிலையில் செவ்வாய்க்கிழமை மதியம் சுமாா் 1.30 மணிக்கு ராஜாமணிக்கும், நல்லமுத்துவுக்கும் இடையே தகராறு ஏற்பட்டதாம். அப்போது, ராஜாமணி அரிவாளால் வெட்டப்பட்டாராம். உடனடியாக திருச்செங்கோடு அரசு மருத்துவமனைக்குக் கொண்டு செல்லும் வழியிலேயே அவா் இறந்தாா்.

இதுகுறித்து திருச்செங்கோடு ஊரக போலீஸாா் சம்பவ இடத்துக்கு விரைந்து சென்றனா். இதையறிந்த நல்லமுத்து வெப்படை காவல் நிலையத்துக்குச் சென்று சரண் அடைந்தாா். பின்னா், நல்லமுத்துவை ஊரக காவல் நிலையத்தில் ஒப்படைக்கப்பட்டாா்.