நாமக்கல் மேற்கு மாவட்ட தமாகா சாா்பில் கட்சித் தலைவா் ஜி.கே.வாசன் பிறந்த நாள் விழா புதன்கிழமை கொண்டாடப்பட்டது.
விழாவுக்கு நாமக்கல் மேற்கு மாவட்டத் தலைவா்.கே.செல்வக்குமாா் தலைமை வகித்தாா். மாநில பொதுச் செயலாளா் விடியல் சேகா் சிறப்பு அழைப்பாளராகக் கலந்துகொண்டாா். திருச்செங்கோடு ஆபத்துக் காத்த விநாயகா் கோயில், கைலாசநாதா் கோயிலில் சிறப்பு பூஜை, அன்னதானம் நடைபெற்றது.
காளிப்பட்டி கந்தசாமி கோயில் உள்பட 50க்கும் மேற்பட்ட கோயில்களில் சிறப்பு பூஜை நடைபெற்றது.
பள்ளிபாளையம் அரசு மருத்துவமனையில் நகர தமாகா சாா்பில் ஏற்பாடு செய்யப்பட்ட நிகழ்ச்சிகளில் மாவட்டத் தலைவா் கே.செல்வகுமாா் கலந்துகொண்டு பிரட், பிஸ்கட், கை சுத்திகரிப்பு கிருமிநாசினி, முகக்கவசம் உள்ளிட்டவை உள்நோயாளிகளுக்கு வழங்கினாா்.
நிகழ்ச்சியில் மாநில இளைஞா் அணி பொதுச் செயலாளா் கந்தசாமி, நகரத் தலைவா் தணிகைச் செல்வன், பள்ளிபாளையம் நகரத் தலைவா் வெங்கட்ராமன், மாவட்ட பொருளாளா் ஈஸ்வரன், மாவட்ட இளைஞரணி தலைவா் காா்த்திகேயன், மாவட்ட பொதுச் செயலாளா் பழனிவேல் உள்ளிட்ட கட்சி நிா்வாகிகள் கலந்து கொண்டனா்.