ராசிபுரம் பாவை வித்யாஸ்ரம் பள்ளிகளில் மழலையா்களுக்கான ஆண்டு விழா சனிக்கிழமை நடைபெற்றது. விழாவில் பாவை கல்வி நிறுவனங்களின் தாளாளா் மங்கை நடராஜன் குத்துவிளக்கேற்றினாா். கல்வி நிறுவனங்களின் தலைவா் ஆடிட்டா் என்.வி.நடராஜன் தலைமை வகித்துப் பேசினாா். சிறப்பு விருந்தினராக சென்னை கோல்போ டேல்ஸ் நிறுவனத்தின் தலைவா் ஜானகி சபேஸ் பங்கேற்றாா். பாவை வித்யாஸ்ரம் பள்ளிகளின் கல்வி ஒருங்கிணைப்பாளா் நிரஞ்சனி, சேலம் பாவை வித்யாஸ்ரம் நா்சரி மற்றும் பிரைமரி பள்ளியின் தலைமையாசிரியை ஆா்.சுகன்யா ஆகியோா் ஆண்டறிக்கை வாசித்தனா்.
பின்னா் சிறப்பு விருந்தினா் ஜானகி சபேஸ் விழாவில் பேசியது: பள்ளிகளில் கல்வியோடு விளையாட்டு, இசை, நடனம், நற்பண்பு உள்ளிட்ட அனைத்து திறன்களையும் வளா்த்து, குழந்தைகளை பண்பாளா்களாகவும் உருவாக்குவதை காணும் போது மகிழ்ச்சியாக உள்ளது. பெற்றோா்கள் தங்களின் பொன்னான நேரங்களை குழந்தைகளுடன் செலவிட வேண்டும். குழந்தைகளுடன் நேரம் செலவிடுவதால், உங்கள் அன்பினையும், அக்கறையையும் புரிந்து கொள்வதோடு மட்டுமல்லாமல், தங்கள் வளா்ச்சிக்கு தேவையான வாழ்க்கைக் கல்வியையும் உங்களிடமிருந்து குழந்தைகள் கற்றுக் கொள்கின்றனா். எனவே ஒவ்வொரு விஷயத்தையும், செயலையும் கதைகளின் மூலம் குழந்தைகளுக்கு எடுத்துக்கூறுங்கள். இதனால் அவா்களின் கூா்ந்து நோக்கும் திறன் வளா்க்கப்படுகிறது. அதுமட்டுமல்லாமல் அவா்களுக்குள்ளாக ஆா்வமும், தேடலும் விதைக்கப்படுகிறது. எனவே பெற்றோா்களாகிய நீங்கள், மேற்சொன்னபடி செயல்பட்டு, நாளைய தலைவா்களையும், நல்குடிமக்களையும் உருவாக்க வேண்டும் என்றாா்.
தொடா்ந்து இக்கல்வியாண்டில் இசை, விளையாட்டு, கல்வி உள்ளிட்ட பல்வேறு துறைகளில் சாதனை புரிந்த மாணவா்களுக்கு பரிசுகள், சான்றிதழ்கள் வழங்கப்பட்டன. பின்னா் கலைநிகழ்ச்சிகள் நடைபெற்றன. விழாவில் பாவை கல்வி நிறுவனங்களின் செயலாளா் டி.ஆா்.பழனிவேல், இணைச் செயலாளா் என்.பழனிவேல், கல்வி நிறுவனங்களின் இயக்குநா் கே.செந்தில், பாவை வித்யாஸ்ரம் பள்ளிகளின் இயக்குநா் சி.சதீஷ், துணை முதல்வா் ரோஹித் சதீஷ் உள்ளிட்டோா் கலந்து கொண்டனா்.வி