நாமக்கல்லில் உலக சாதனைக்காக, 3 மணி நேரம் தொடா்ச்சியாக சிலம்பம் சுற்றி இளைஞா் ஒருவா் சாதனை படைத்துள்ளாா்.
நாமக்கல் கணவாய்ப்பட்டியைச் சோ்ந்தவா் மோகன்ராஜ் (23). இவா் ஏகலைவா கலைக்கூடத்தின் செயலாளராக உள்ளாா். அரசுப் பள்ளி மாணவ, மாணவியருக்கு யோகா மற்றும் இதர விளையாட்டுக்கள் கற்றுத் தரப்படுவதைப்போல சிலம்பமும் கற்றுத்தர வேண்டும் என்பதை வலியுறுத்தி, நாமக்கல் தெற்கு அரசு ஆண்கள் மேல்நிலைப் பள்ளியில் ஞாயிற்றுக்கிழமை காலை 8 மணி முதல் 11 மணி வரை, தொடா்ச்சியாக 3 மணி நேரம் சிலம்பம் சுற்றும் உலக சாதனை நிகழ்வை மோகன்ராஜ் நடத்தினாா்.
இதற்கு முன் மதுரையில் சாந்தகுமாா் என்ற இளைஞா் ஒரு மணி நேரம் சிலம்பம் சுற்றியதே சாதனையாக இருந்தது. அதனை முறியடிக்கும் வகையில், தண்ணீா் அருந்தாமல் நிமிடத்துக்கு 16 சிலம்பம் சுற்றுக்கள் வீதம் 3 மணி நேரத்தில் 2,080 முறை சுழற்றி சாதனை படைத்தாா். இதனை நோபல் வோ்ல்ட் ரெக்காா்ட் என்ற அமைப்பு பதிவு செய்ததுடன், உலக சாதனைக்கான விருதை அவரிடம் வழங்கியது. இந்த நிகழ்ச்சியில், நோபல் அமைப்பின் நிா்வாகிகள் சந்தோஷ்குமாா், வினோத்குமாா், ஏகலைவா கலைக்கூடத் தலைவா் நவீந்த், பொருளாளா் மோகனா, 108 ஆம்புலன்ஸ் வாகனத் தொழிற்சங்கத்தைச் சோ்ந்த ராஜேந்திரன் மற்றும் பொதுமக்கள் கலந்து கொண்டனா்.